నిజామాబాద్ ప్రతినిధి, మే15 (ఆంధ్రప్రభ) : రైల్వే సిబ్బంది గ్రీవెన్స్ పై నేస్తం కార్యక్రమాన్ని నిర్వహించినట్లు సీనియర్ డివిజనల్ పర్సనల్ ఆఫీసర్ ఆనంద్ కట్టా (ఐఆర్పిఎస్ ) అన్నారు. ఉద్యోగులతో నమ్మకాన్ని పెంచుకునే ప్రయత్నం, రైల్వే ఉద్యోగులు పర్సనల్ బ్రాంచ్ అధికా రులతో నేరుగా సంభాషించడానికి ఈ కార్యక్రమం వేదికగా పనిచేస్తుందన్నారు. గురువారం నిజామాబాద్ జిల్లా కేంద్రంలోని రైల్వే స్టేషన్ లోదక్షిణ మధ్య రైల్వే, హైదరాబాద్ డివిజన్ తన తొలి నేస్తం ఫిర్యాదుల పరిష్కార కార్యక్రమాన్ని నిర్వహించారు. మొత్తం సౌత్ సెంట్రల్ లో ఆరు డివిజన్ల‌లో ఉండగా, అందులో నిజామాబాద్ డిపోలో సుమారు 800 సిబ్బంది ఉన్నారు.
ఈ కార్యక్రమానికి సీనియర్ డివిజనల్ పర్సనల్ ఆఫీసర్ ఆనంద్ కట్టా ముఖ్యఅతిథిగా హాజరై క్యాంపుని ప్రారంభించారు. ఈసందర్భంగా సీనియర్ డివిజనల్ పర్సనల్ ఆఫీసర్ ఆనంద్ కట్టా మాట్లాడారు. రైల్వే సిబ్బందికి సంబంధించి వివిధ సేవలకు వారి ఫిర్యాదులను విని పించడానికి ఈ కార్యక్రమం వేదికగా పనిచేస్తుందని తెలిపారు. ఈచురుకైన చొరవ అత్యుత్తమ సమస్యల వేగవంతమైన పరిష్కారాన్ని సులభతరం చేయడం, మరింత సానుకూల పని వాతావరణాన్ని పెంపొందించడం, పరిపాలన దాని శ్రామిక శక్తి మధ్య కమ్యూనికేషన్‌ ను బలోపేతం చేయడం లక్ష్యంగా పెట్టుకుందన్నారు.
ఈ కార్యక్రమంలో సీనియర్ డివిజనల్ పర్సనల్ అధికారి బృందం పాల్గొని సిబ్బంది గ్రీవెన్స్ అడిగి తెలుసుకున్నారు. పలు సిబ్బంది సమస్యలను అప్పటికప్పుడు వెంటనే పరిష్కరించారు. ఇంకా ఫిర్యాదుల స్వభావం ఆధారంగా పలు ఫిర్యాదులను పరిష్కరిస్తానని పరిపాలన హామీ ఇచ్చారు. ఈ శిబిరంలో చేపట్టిన ప్రయత్నాలు హైదరాబాద్ డివిజన్ ఉద్యోగుల సంక్షేమం, సమర్థవంతమైన ఫిర్యాదుల పరిష్కార విధానాలపై దృష్టి సారించాయి. ఈ కార్యక్రమంలో వెల్ఫేర్ ఇన్ స్పెక్టర్లు తులసి కృష్ణ, నీరజ్ కుమార్, చీఫ్ ఓఎస్ గోపాల్ నాయక్, ఆఫీస్ సూప రింటెండెంట్ లు భీం రావ్, హర్షద్ హుస్సేన్, ఎన్పీఎస్ డీలర్ బి.శ్రీనివాసరావు, రైల్వే సిబ్బంది పాల్గొన్నారు.
