Minister | ఎన్నికల్లో సత్తాచాటుదాం…
Minister | ఊట్కూర్, ఆంధ్రప్రభ : స్థానిక సంస్థల ఎన్నికల్లో అందరి సమిష్టి సహకారంతో సత్తా చాటుదామని ఊట్కూర్ మండల కాంగ్రెస్ అధ్యక్షుడు డి.యాగ్నేశ్వర్ రెడ్డి, మాజీ జెడ్పీటీసీలు సూర్యప్రకాశ్ రెడ్డి, మణెమ్మ గోపాల్ రెడ్డి, మాజీ సింగిల్ విండో అధ్యక్షుడు ఎల్కోటి నారాయణరెడ్డి(Elkoti Narayana Reddy) పిలుపునిచ్చారు.
ఈ రోజు నారాయణపేటజిల్లా ఊట్కూర్ మండల కాంగ్రెస్ పార్టీ నాయకులు కార్యకర్తల సమావేశం ఇడ్లూర్ శ్రీ శంకర్ లింగేశ్వర దేవాలయం వద్ద నిర్వహించారు. మూడో విడత(third installment) జరగనున్న పంచాయతీ ఎన్నికల నేపథ్యంలో నాయకులు, కార్యకర్తలు అభిప్రాయ సేకరణ ఎన్నికల బరిలో నిలిచే అభ్యర్థుల పేర్లు స్వీకరించారు.
ఈ సందర్భంగా వారు మాట్లాడుతూ.. కాంగ్రెస్ ప్రభుత్వం చేపడుతున్న అభివృద్ధి సంక్షేమ పథకాలు(welfare schemes) ప్రజలకు వివరించి కాంగ్రెస్ బలపరిచిన అభ్యర్థులను గెలిపించుకుందామని అన్నారు. మంత్రి డాక్టర్ వాకిటి శ్రీహరి(Minister Dr. Vakiti Srihari) ఆదేశాలకు అనుగుణంగా ప్రతి ఒక్కరూ ఎన్నికల బరిలో నిలిచిన అభ్యర్థుల గెలుపే లక్ష్యంగా ముందుకు సాగాలని పిలుపునిచ్చారు.
ఈ కార్యక్రమంలో మాజీ సర్పంచులు, బస్వరాజ్ గౌడ్, విజయసింహారెడ్డి, మండల యువజన కాంగ్రెస్ అధ్యక్షుడు మహేశ్ రెడ్డి, పట్టణ అధ్యక్షుడు కొక్కు లింగం, ఆయా గ్రామాల నాయకులు, కార్యకర్తలు, తదితరులు పాల్గొన్నారు.
