Makthal | మృతుడి కుటుంబానికి అండగా.. మిత్రులు
Makthal | మక్తల్, ఆంధ్రప్రభ : బాల్యం నుంచి తమతో కలిసి మెలిసి ఉంటూ విద్యాభ్యాసం (education) చేసిన తమ బాల్యమిత్రుడు అకాల మరణం చెందడంతో ఆ కుటుంబానికి పెద్ద దిక్కు లేక భార్య పిల్లలు పడుతున్న ఇబ్బందిని గుర్తించి ఆ కుటుంబానికి మేమున్నామంటూ అండగా నిలిచారు మృతుడి మిత్రబృందం.
నారాయణపేట జిల్లా (Narayanpet district) మక్తల్ నియోజకవర్గ కేంద్రానికి చెందిన బండారి కురుమూర్తి (Bandari Kurumurthy) ఈమధ్యనే అనారోగ్య కారణాలతో మృతి చెందాడు. నిరుపేద కుటుంబం కావడంతో ఆర్థిక ఇబ్బందుల్లోకి నెట్టబడింది బండారి కురుమూర్తి కుటుంబం. మిత్రుడి కుటుంబ ఇబ్బందులను గుర్తించిన ప్రభుత్వ ఉన్నత పాఠశాల – 2008 మిత్రబృందం సభ్యులంతా కలిసి తమ బాల్యమిత్రుడి కుటుంబానికి ఏదో ఒకటి చేయాలని ఆలోచించారు. అందరూ కలిసి ఆలోచించడం తడువుగా తలా కొంత జమచేసి రూ.33,000 ఆర్థిక సహాయాన్ని శుక్రవారం తమ బాల్యమిత్రుడు బండారి కురుమూర్తి (Bandari Kurumurthy) కుటుంబ సభ్యులకు అందజేశారు. భవిష్యత్తులోనూ తమవంతు సహాయం అందిస్తామని ఆ కుటుంబానికి భరోసా ఇచ్చారు. ఈ కార్యక్రమంలో మిత్ర బృందం వాకిటి రాజు, కె.నేతాజీ రెడ్డి, బండారి ఆనంద్, టప్ప శేఖర్, తదితరులు పాల్గొన్నారు.
