జేఈఈ మెయిన్ పరీక్షల ఫలితాలు ఎప్పుడు..?
జేఈఈ మెయిన్ పరీక్షల ఫలితాలు ఎప్పుడు..?
ఆంధ్రప్రభ వెబ్ డెస్క్ : దేశ వ్యాప్తంగా నిర్వహిస్తున్న జేఈఈ మెయిన్ తుదివిడత పరీక్షలు నేటితో ముగియనున్నాయి. నేషనల్ టెస్టింగ్ ఏజెన్సీ ఆధ్వర్యంలో జరుగుతున్న ఈ పరీక్షలకు లక్షలాది మంది విద్యార్థులు హాజరయ్యారు. ఇంజినీరింగ్లో ప్రవేశాల కోసం నిర్వహించే ఈ పరీక్షకు దేశ వ్యాప్తంగా ఉన్న విద్యార్థులు పెద్ద సంఖ్యలో పాల్గొన్నారు. ఈ ఏడాది జేఈఈ మెయిన్ పరీక్షలు పలు దశల్లో నిర్వహించగా, తుదివిడత పరీక్షలు పూర్తవుతున్న నేపథ్యంలో విద్యార్థులు ఫలితాల కోసం ఆసక్తిగా ఎదురుచూస్తున్నారు. పరీక్షలు సజావుగా జరిగాయని, ఎక్కడా పెద్దగా అంతరాయాలు లేవని అధికారులు తెలిపారు.
ఈ నెల 20లోపు జేఈఈ మెయిన్ ర్యాంకులను విడుదల చేయనున్నట్లు NTA వెల్లడించింది. పరీక్షల అనంతరం ఆన్సర్ కీ, అభ్యంతరాల పరిశీలన పూర్తి చేసి, ఫైనల్ రిజల్ట్స్, ఆల్ ఇండియా ర్యాంకులను ప్రకటించనున్నారు. ర్యాంకులు విడుదలైన తర్వాత జేఈఈ అడ్వాన్స్డ్కు అర్హత సాధించిన విద్యార్థుల జాబితా కూడా వెల్లడించనున్నారు. తద్వారా ఐఐటీలు, ఎన్ఐటీలు, ఇతర ప్రముఖ ఇంజినీరింగ్ కాలేజీల్లో ప్రవేశాలకు మార్గం సుగమం కానుంది. మొత్తానికి, నేటితో జేఈఈ మెయిన్ తుది విడత పరీక్షలు ముగియడంతో విద్యార్థుల దృష్టి ఇప్పుడు ర్యాంకుల విడుదల పై పడింది. ఈ నెల 20 లోపు ఫలితాలు ప్రకటించనున్నారు.
