హైదరాబాద్ న‌గ‌రంలో ఉరుములు, మెరుపులతో మేఘాలు గర్జిస్తున్నాయి. సాయంత్రం నుండి అర్ధరాత్రి వరకు నగరంలోని పలు ప్రాంతాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది.
ఇప్పటికే జూబ్లీహిల్స్‌, మాదాపూర్‌, బంజారాహిల్స్‌, కొండాపూర్‌, పంజాగుట్ట, మెహిదీపట్నం పరిసర ప్రాంతాలతో పాటు కూథ్బుల్లాపూర్‌, అల్వాల్‌, బాచుపల్లి, కూకట్‌పల్లి, పటాన్‌చెరు, బీహెచ్ఈఎల్‌, మియాపూర్‌, బాలానగర్ ప్రాంతాల్లో వర్షం ప్రారంభమైంది.
అదేవిధంగా తెలంగాణ పలు జిల్లాల్లో కూడా విస్తారంగా వర్షాలు కురిసే అవకాశం ఉంది. ముఖ్యంగా సంగారెడ్డి, వికార్‌ఆబాద్‌, నారాయణపేట, మహబూబ్‌నగర్‌, నాగర్‌కర్నూల్‌, గద్వాల, వనపర్తి, నిజామాబాద్‌, కామారెడ్డి, మెదక్‌, మెద్చల్‌, హైదరాబాద్, రంగారెడ్డి, యాదాద్రి, నల్గొండ జిల్లాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ వెల్లడించింది.
