Festival | ఘనంగా ఊర్కొండ అంజన్న స్వామి రథోత్సవం..

Festival | ఘనంగా ఊర్కొండ అంజన్న స్వామి రథోత్సవం..

పాల్గొన్న ఎమ్మెల్యే జడ్చర్ల ఎమ్మెల్యే అనిరుధ్ రెడ్డి

Festival | ఊర్కొండ, ఆంద్రప్రభ : ఊర్కొండ పేటలోని శ్రీ పబ్బతి ఆంజనేయ స్వామి బ్రహ్మోత్సవాల్లో భాగంగా నేడు ఘనంగా నిర్వహించిన రథోత్సవ కార్యక్రమంలో జడ్చర్ల ఎమ్మెల్యే జనంపల్లి అనిరుధ్ రెడ్డి భక్తిశ్రద్ధలతో పాల్గొన్నారు. ఈ సందర్భంగా ఆయన ఆలయంలో ప్రత్యేక పూజలు నిర్వహించి స్వామివారి ఆశీస్సులు పొందారు. అనంతరం రథోత్సవాన్ని దర్శించి, భక్తులతో కలిసి స్వామివారి నామస్మరణ చేశారు.

ఎమ్మెల్యే మాట్లాడుతూ.. ఊర్కొండపేట క్షేత్రం రాష్ట్రంలోనే ప్రసిద్ధి చెందిన ఆధ్యాత్మిక కేంద్రమని, ఇక్కడి సంప్రదాయాలు, ఉత్సవాలు తరతరాలుగా ప్రజల విశ్వాసాన్ని ప్రతిబింబిస్తున్నాయని తెలిపారు. స్వామివారి కృపతో ప్రజలందరూ సుఖ సంతోషాలతో, ఆయురారోగ్యాలతో ఉండాలని ఆకాంక్షించారు.

ఈ కార్యక్రమంలో కాంగ్రెస్ మండల పార్టీ ప్రెసిడెంట్ వెంకటయ్య గౌడ్, వర్కింగ్ ప్రెసిడెంట్ ద్యాప నిఖిల్ రెడ్డి, మండల వివిధ గ్రామ పంచాయతీల సర్పంచ్లు, మాజీ ఆలయ కమిటీ సభ్యులు, కాంగ్రెస్ పార్టీ నాయకులు, ప్రజాప్రతినిధులు, ఆలే అధికారులు గ్రామ పెద్దలు, పెద్ద సంఖ్యలో భక్తులు పాల్గొన్నారు.