ఇంగ్లండ్ : అండర్సన్ టెండూల్కర్ ట్రోఫీ (Anderson Tendulkar Trophy) లో సిరీస్‌ విజయంపై కన్నేసిన ఇంగ్లండ్ (England)కు ఊహించని షాక్ తగిలింది. ఇంగ్లండ్ – ఇండియా (England – India) మధ్య జరగనున్న ఆఖరి టెస్టుకు ముందు ఇంగ్లండ్‌కు గట్టి ఎదురుదెబ్బ తగిలింది. కెప్టెన్ బెన్ స్టోక్స్ దూరమవడంతో పాటు నలుగురు ఆటగాళ్లను మార్చడం ఆశ్చర్యం కలిగిస్తోంది. మాంచెస్టర్ టెస్టు (Manchester Test) లో శతకంతో చెలరేగిన కెప్టెన్ బెన్ స్టోక్స్ (Ben Stokes) ఓవల్ టెస్టుకు దూరమయ్యాడు. భుజం గాయంతో బాధ పడుతున్న స్టోక్స్ నిర్ణయాత్మక టెస్టులో ఆడడం లేదని బుధవారం ఇంగ్లండ్, వేల్స్ క్రికెట్ బోర్డు (ECB) వెల్లడించింది.
అంతేకాదు ఓవల్ టెస్టుకు గతంలో సారథ్యం వహించిన అనుభవం ఉన్న ఓలీ పోప్‌ను కెప్టెన్‌గా ఎంపిక చేశారు సెలెక్టర్లు. స్టోక్స్ దూరమవ్వడంతో తుది జట్టులో భారీ మార్పులు చేశారు సెలెక్టర్లు. మాంచెస్టర్‌లో ఆడిన పలువురికి ఓవల్ టెస్టులో చోటు దక్కలేదు. సీనియర్ పేసర్లు ఆర్చర్, బ్రైడన్ కార్సేతో పాటు ఎనిమిదేళ్ల తర్వాత తొలి మ్యాచ్ ఆడిన స్పిన్నర్ లియామ్ డాసన్‌ను కూడా పక్కన పెట్టేశారు. వీళ్ల స్థానంలో జాకబ్ బెథెల్, గస్ అట్కిన్సన్ జోష్ టంగ్, జేమీ ఓవర్టన్‌లను ఎంపిక చేశారు. పేసర్లకు పెద్ద పీఠ వేయడం చూస్తుంటే ఓవల్‌లో బౌన్సీ ట్రాక్ సిద్దం చేశారనే అనుమానాలు వ్యక్తం అవుతున్నాయి.
ఇంగ్లండ్ తుది జట్టు : జాక్ క్రాలీ, బెన్ డకెట్, ఓలీ పోప్(కెప్టెన్), జో రూట్, హ్యారీ బ్రూక్, జాకబ్ బెథెల్, జేమీ స్మిత్(జేమీ స్మిత్), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్.
