TG | ఈఏపీసెట్, పీజీఈసెట్ షెడ్యూల్ రిలీజ్ !
తెలంగాణ ఈఏపీసెట్, తెలంగాణ పీజీఈసెట్ షెడ్యూల్ విడుద‌లైంది. ఈఏపీసెట్ పరీక్షలను జేఎన్టీయూ నిర్వహించనుండ‌గా.. ఫిబ్రవరి 22 నుంచి ఆన్‌లైన్‌లో దరఖాస్తులు స్వీకరించనున్నారు. మే 2వ తేదీ నుండి 5 వరకు ఇంజినీరింగ్ ప్రవేశ పరీక్ష నిర్వహించనున్నారు. ఏప్రిల్ 29, 30 తేదీల్లో అగ్రికల్చర్, ఫార్మా పరీక్షలు నిర్వహించనున్నట్లు ఉన్నత విద్యా మండలి తెలిపింది.
తెలంగాణ పీజీఈసెట్ షెడ్యూల్‌ను ఉన్నత విద్యామండలి ప్రకటించింది. మార్చి 12న నోటిఫికేషన్ జారీ చేయనున్నారు. మార్చి 17 – 19 వరకు దరఖాస్తులు చేసుకోవాలి. జూన్ 16 – 19 వరకు పరీక్షలు నిర్వహిస్తారు.
ఐసెట్ 2025 పరీక్ష నోటిఫికేషన్ మార్చి 6న విడుదల కానుంది. మే 3వ తేదీ వరకు ఆలస్య రుసుము లేకుండా దరఖాస్తులను స్వీకరించనున్నారు. ఆన్‌లైన్ పరీక్ష జూన్ 8, 9 తేదీల్లో నిర్వహించనున్నారు.
