డ్రోన్లు నిషేధం

డ్రోన్లు నిషేధం

• నో ఫ్లై జోన్ అమలు
• 2000 కెమెరాలతో నిఘా
• భారీ జనం సమీకరణ
• ప్రధాని భద్రత ఏర్పాట్లపై కర్నూలు ఎస్పీ దిశానిర్ధేశం

కర్నూలు, ఆంధ్రప్రభ బ్యూరో : ప్రధాని నరేంద్ర మోదీ ఈనెల 16న కర్నూలు జిల్లా(Kurnool District)లో పర్యటించనుండటంతో పోలీసు శాఖ పకడ్బందీ భద్రతా ఏర్పాట్లు చేపట్టింది. మొత్తం 7,500 మంది పోలీసు సిబ్బందిని నియమిస్తూ జిల్లా అంతటా గట్టి భద్రతా వలయాన్ని ఏర్పాటు చేశారు. జిల్లా ఎస్పీ విక్రాంత్ పాటిల్, ఆధ్వర్యంలో సోమవారం కర్నూలు పసుపుల రోడ్డులోని యు బి ఆర్ కన్వెన్షన్ హాల్‌లో బందోబస్తు నిమిత్తం విచ్చేసిన అడిషనల్ ఎస్పీ స్థాయి నుండి ఎస్సై స్థాయి అధికారులకు బ్రీఫింగ్‌ ఇచ్చారు.

ఈ సందర్భంగా ఎస్పీ మాట్లాడుతూ, ప్రధాని పర్యటన సందర్భంగా భద్రతా చర్యలు అత్యంత కట్టుదిట్టంగా ఉండేలా చర్యలు తీసుకున్నామని తెలిపారు.ప్రధాని భద్రతలో ఎలాంటి లోపం ఉండకూడదు. ప్రతి అధికారి తన సెక్టార్‌(Sector)లో అప్రమత్తంగా వ్యవహరించాలి,అని ఎస్పీ విక్రాంత్ పాటిల్ అన్నారు.

కఠిన భద్రతా చర్యలు

బహిరంగ సభ ప్రాంగణం వద్ద 7 మంది ఎస్పీ స్థాయి అధికారులు బాధ్యతలు నిర్వర్తించనున్నారు. అడిషనల్ ఎస్పీ నుండి ఎస్సై స్థాయి అధికారులు ఆయా సెక్టార్ ఇన్‌చార్జి ఐపీఎస్‌ల ఆధ్వర్యంలో విధులు నిర్వహిస్తారు. సభా ప్రదేశం, పార్కింగ్(Parking) ప్రాంతాలు, రూట్ డైవర్షన్ పాయింట్లు – అన్నిచోట్ల భద్రతా మ్యాప్‌‌ ఆధారంగా నియంత్రణ చర్యలు చేపట్టనున్నారు.

200 సీసీ కెమెరాలతో నిఘా

అన్ని కెమెరాల పర్యవేక్షణ డీజీపీ కంట్రోల్‌ రూమ్‌ నుండి ప్రత్యక్షంగా జరుగుతుంది. ఎస్పీ విక్రాంత్ పాటిల్ తెలిపిన ప్రకారం, అక్టోబర్ 14వ తేదీ నుండి 16వ తేదీ వరకు కర్నూలు సబ్‌డివిజన్‌ మొత్తాన్ని “ నో ప్లైన్ జోన్ డ్రోన్స్(No Plain Zone Drones) గా ప్రకటించారు. ఈ కాలంలో ఎవరూ డ్రోన్ కెమెరాలను ఎగరనీయరాదని స్పష్టం చేశారు. నిబంధనలు ఉల్లంఘించే వారిపై కఠిన చట్టపరమైన చర్యలు తీసుకుంటామని హెచ్చరించారు.

పార్కింగ్ ప్రదేశాలు, బహిరంగ ప్రదేశం, రూట్ డైవర్షన్స్(Diversions) గురించి వివరిస్తూ జియో గ్రాఫికల్ మ్యాప్ ను చూపిస్తూ మాట్లాడారు. అడిషనల్ ఎస్పీ స్ధాయి నుండి ఎస్సై ర్యాంకు అధికారులు ఆయా సెక్టార్ ఇంచార్జ్ ఐపియస్ ల దగ్గర విధులు నిర్వహించాలన్నారు. బహిరంగ సభ ప్రదేశం దగ్గర 7 గురు ఎస్పీ స్ధాయి అధికారులను కేటాయించామన్నారు. డిజిపి కంట్రోల్ రూమ్ నుండి సిసి కెమెరాల నిఘా ఉంటుందన్నారు. సుమారు 7,500 మంది పోలీసులను బందోబస్తు విధులకు కేటాయించామన్నారు.

ఎయిర్ పోర్టు దగ్గర , బహిరంగ సభ, పబ్లిక్ గ్యాలరీలు(Public Galleries), పార్కింగ్ ప్రాంతాల దగ్గర అప్రమత్తంగా ఉండాలన్నారు. అనుమానితులు కన్పిస్తే వెంటనే పోలీసు ఉన్నతాధికారులకు సమాచారం అందించాలన్నారు. కర్నూలు, నంద్యాల జిల్లాల నుండి 7 వేల బస్సులలో ప్రజలు బహిరంగ సభకు వస్తారన్నారు. ఇందులో 3 వేల బస్సులు ఆర్ టి సి కి చెందినవి , 4 వేల ప్రవేట్ బస్సులలో ప్రజలు ప్రధానమంత్రి బహిరంగ వస్తారన్నారు. ప్రధాన మంత్రి పర్యటన ప్రాంతాలలో మంగళవారం నుంచి గురువారం సాయంత్రం వరకు కర్నూలు సబ్ డివిజన్ లో “NO FLY ZONE FOR DRONES “ గా ప్రకటించామన్నారు.

భారీ జన సమ్మేళనం అంచనా

ప్రధాని బహిరంగ సభకు హాజరయ్యేందుకు కర్నూలు, నంద్యాల జిల్లాల నుండి సుమారు 7,000 బస్సులలో ప్రజలు రానున్నారు. ఇందులో 3,000 ఆర్టీసీ బస్సులు, 4,000 ప్రైవేట్ బస్సులు ఉంటాయని ఎస్పీ వెల్లడించారు . సభా ప్రదేశం, విమానాశ్రయం( Airport), పార్కింగ్ ప్రాంతాలు, ప్రజా గ్యాలరీల వద్ద భద్రతా సిబ్బంది అప్రమత్తంగా ఉండాలని సూచించారు. అనుమానితులు కనపడిన వెంటనే ఉన్నతాధికారులకు సమాచారం ఇవ్వాలని ఆదేశించారు. ప్రధాని బహిరంగ సభలో విధులు నిర్వహించే పోలీసులు(Police) ఫోటోలు లేదా వీడియోలు తీయరాదని, ఇది క్రమశిక్షణ ఉల్లంఘనగా పరిగణిస్తామని హెచ్చరించారు.

ఈ సమావేశంలో ట్రైనీ ఐపీఎస్‌లు, అడిషనల్ ఎస్పీలు, డీఎస్పీలు, సీఐలు, ఆర్‌ఐలు, ఎస్సైలు పాల్గొన్నారు.జిల్లా పోలీసు యంత్రాంగం అంతా భద్రతా బందోబస్తు పనుల్లో తలమునకలై, ప్రధానమంత్రి పర్యటనను సాఫీగా నిర్వహించేందుకు అన్ని ఏర్పాట్లను పూర్తి చేసింది.