Domestic cricket | సర్ఫరాజ్ డబుల్ ఢమాకా
Domestic cricket | సర్ఫరాజ్ డబుల్ ఢమాకా
- రంజీ ట్రోఫీలో హైదరాబాద్పై చెలరేగిన బ్యాటర్
- 219 బంతుల్లోనే 227 పరుగులు
Domestic cricket | వెబ్డెస్క్, ఆంధ్రప్రభ : ఖాన్ దెబ్బ ఎలా ఉంటుందో మరోసారి నిరూపించాడు. యువ బ్యాటర్ సర్ఫరాజ్ ఖాన్ దేశవాళీ క్రికెట్లో పరుగుల వరద పారిస్తున్నాడు. ఇటీవల కాలంలో సర్ఫరాజ్ అద్భుతమైన ఫామ్లో ఉన్నాడు. రంజీ ట్రోఫీలో భాగంగా హైదరాబాద్తో జరుగుతున్న మ్యాచ్లో మెరుపు డబుల్ సెంచరీతో అదరగొట్టాడు.
ఇవాళ హైదరాబాద్లోని రాజీవ్ గాంధీ అంతర్జాతీయ స్టేడియంలో జరిగిన ఈ మ్యాచ్లో సర్ఫరాజ్ కేవలం 219 బంతుల్లోనే 227 పరుగులు సాధించాడు. అతని ఇన్నింగ్స్లో 19 ఫోర్లు, 9 సిక్సర్లు ఉన్నాయి. ముఖ్యంగా హైదరాబాద్ కెప్టెన్, టీమిండియా పేసర్ మహ్మద్ సిరాజ్ బౌలింగ్లో 39 బంతులు ఎదుర్కొని 45 పరుగులు పిండుకోవడం విశేషం.
ఒక దశలో 82 పరుగులకే 3 వికెట్లు కోల్పోయి కష్టాల్లో పడిన ముంబైని, స్టాండ్-ఇన్ కెప్టెన్ సిద్ధేశ్ లాడ్ (104)తో కలిసి ఆదుకున్నాడు. వీరిద్దరూ నాలుగో వికెట్కు 249 పరుగుల భారీ భాగస్వామ్యం నెలకొల్పారు. ఈ ఇన్నింగ్స్తో సర్ఫరాజ్ ఫస్ట్ క్లాస్ కెరీర్లో 5,000 పరుగుల మైలురాయిని కూడా దాటాడు.
