Cause way | అవనిగడ్డ, ఆంధ్రప్రభ : కృష్ణా వరదల కారణంగా కొట్టుకుపోయిన ఏడ్లంక కాజ్వే నిర్మాణానికి టీడీపీ నాయకుడు బొబ్బా గోవర్ధన్ నిధులు సమకూర్చారు. దారి లేక రాకపోకలకు తీవ్ర ఇబ్బందులు పడుతున్న ఎడ్లంక వాసుల ఇబ్బందులు తొలగించేందుకు ఇదే ప్రాంతానికి చెందిన బొబ్బా గవర్ధన్ ముందుకు వచ్చారు. కాజ్వే కొట్టుకు పోవడంతో పాఠశాలలకు వెళ్ళే విద్యార్థులు, పనులకు వెళ్ళే మహిళలు నదిలో దిగి వెళ్లాల్సి వస్తోందని, పోటు సమయంలో మహిళలు నది దాటేందుకు తీవ్ర అవస్థలు పడాల్సి వస్తుందని గ్రామస్తులు, అవనిగడ్డ నియోజకవర్గ టీడీపీ కార్యాలయానికి వచ్చి బొబ్బా గోవర్ధన్ కు తెలిపారు..
తన స్వగ్రామమైన ఎడ్లంక ప్రజలు ఎదుర్కొంటున్న ఇబ్బందులు గ్రామస్తుల ద్వారా తెలుసుకున్న బొబ్బా గోవర్ధన్ కొట్టుకుపోయిన కాజ్వేను తాను పునరుద్ధరణ చేస్తానని గ్రామస్తులకు హామీ ఇచ్చారు. ఈ నేపథ్యంలో గురువారం కాజ్వే పునరుద్ధరణ పనులు తెలుగుదేశం నేతలు ప్రారంభించారు. ఈ కార్యక్రమంలో దివి మార్కెట్ కమిటీ చైర్మన్ కొల్లూరి వెంకటేశ్వరరావు, పర్చూరి దుర్గా ప్రసాద్, అడపా శ్రీను, కొల్లూరి వాసు, మోదుమూడి మాధవరావు, పీత వెంకటేశ్వరరావు, పాలెపు వెంకటేశ్వరరావు, మునిపల్లి చంద్రశేఖర రావు, మునిపల్లి చంటి, ఏలియా, కనగాల సత్యం బాబు, కైతేపల్లి మురళి, నరసింహారావు, మెరుగు సోమిరెడ్డి, రంగనాథ్ ,కమ్మిలి సుబ్రహ్మణ్యం తదితరులు పాల్గొన్నారు.
