Chandrababu | దేవతల నగరాన్ని తలపించేలా అమరావతి
Chandrababu | అమరావతి, ఆంధ్రప్రభ : అమరావతి (Amaravati) రాజధాని దేవతల రాజధానిని పోలి ఉండేలా అభివృద్ధి చేసేందుకు కృషి చేస్తామని సీఎం చంద్రబాబు (Chandrababu) తెలిపారు. రాష్ట్రానికి పవిత్రత, ప్రగతికంగా నిలిచే రాజధానిని నిర్మించాలని సంకల్పించినట్లు పేర్కొన్నారు. రాజధాని నిర్మాణానికి రైతులు స్వచ్ఛందంగా 33 వేల ఎకరాలు ఇచ్చి అపూర్వమైన సహకారం అందించారని ఆయన ప్రశంసించారు.
అమరావతి(Amaravati) లోని వెంకటపాలెంలో వేంకటేశ్వరస్వామి ఆలయ విస్తరణ పనులకు సీఎం గురువారం భూమిపూజ చేశారు. మొత్తం రూ.260 కోట్ల వ్యయంతో రెండు దశల్లో ఆలయ అభివృద్ధి చేపట్టనున్నట్లు వెల్లడించారు. ఇందులో ఆలయ ప్రాకారం, మహారాజగోపురం, ఆంజనేయస్వామి ఆలయ నిర్మాణం ఉంటాయి. అదనంగా మాడవీధులు, అన్నదాన కాంప్లెక్స్‌ల నిర్మాణాలకు కూడా ఆయన శంకుస్థాపన చేశారు.
