Bus facility | గెలిపిస్తే పెద్దపొర్ల అభివృద్ధిచేస్తా…
Bus facility | గెలిపిస్తే పెద్దపొర్ల అభివృద్ధిచేస్తా…
Bus facility | ఊట్కూర్, ఆంధ్రప్రభ : మహిళగా ఆదరించి సర్పంచ్ గా గెలిపిస్తే పెద్దపోర్ల గ్రామాన్ని అభివృద్ధి చేసి చూపిస్తానని ఊట్కూర్ మండల పరిధిలోని పెద్దపోర్ల గ్రామ సర్పంచ్ స్వతంత్ర అభ్యర్థి బోయినపల్లి కాశమ్మ అన్నారు. ఈ రోజు నారాయణపేట జిల్లా ఊట్కూర్ మండల పరిధిలోని పెద్దపోర్ల గ్రామంలో ఇంటింటి ప్రచారానికి శ్రీకారం చుట్టారు. ఈ సందర్భంగా ఆమె మాట్లాడుతూ.. గ్రామంలో నెలకొన్న వివిధ సమస్యలు పరిష్కరించేందుకు శక్తి వంచన లేకుండా కృషి చేస్తానని అన్నారు.
గత పాలకుల నిర్లక్ష్యం మూలంగా గ్రామ అభివృద్ధి నోచుకోలేదని మహిళగా ఆదరిస్తే గ్రామ సర్వతోముగా అభివృద్ధికి కృషి చేయడంతో పాటు బస్సు సౌకర్యం(Bus facility) కల్పిస్తాననిఅన్నారు. చెరువుకంట వద్ద వాహనాలు వెళ్లేందుకు తీవ్ర ఇబ్బందిగా ఉందని గెలిపిస్తే వెంటనే సమస్య పరిష్కరిస్తాననిఅన్నారు. గ్రామ అభివృద్ధికి నిస్వార్ధంగా సేవ చేసే భాగ్యం కల్పించాలని ఓటర్లను విజ్ఞప్తిచేశారు.
గ్రామంలో మౌలిక సదుపాయాల(infrastructure) కల్పనకు కృషి చేయడంతో పాటు ప్రభుత్వ సంక్షేమ పథకాలు అర్హులైన ప్రతి ఒక్కరికి పారదర్శకంగా అందిస్తాననిఅన్నారు. ఆదరించి ఓటు వేసి గెలిపిస్తే పెద్దపోర్ల రూపురేఖలు మారుస్తానని అన్నారు. ఈ కార్యక్రమంలో మాజీ సర్పంచ్ రవి కుమార్, మాజీ ఎంపీటీసీ శివ తదితరులు పాల్గొన్నారు.
