ప్రభుత్వం త‌రుఫున వాదనలు వినిపిస్తారు…
మ‌క్తాల్‌, ఆంధ్ర‌ప్ర‌భ : స్థానిక సంస్థల ఎన్నికల్లో బీసీలకు 42 శాతం(42 percent for BCs) రిజర్వేషన్ల అమలుపై సుప్రీం కోర్టులో అఫిడవిట్ దాఖలైన నేపథ్యంలో రాష్ట్ర ప్రభుత్వం తరుపున బలమైన వాదనలు వినిపించడానికి ఢిల్లీలో సీనియర్ న్యాయవాదులను సంప్ర‌దించేందుకు డిప్యూటీ సీఎం భ‌ట్టి విక్ర‌మార్క(Bhatti Vikramarka మ‌ల్లు, రాష్ట్ర ప‌శుసంవ‌ర్థ‌క, క్రీడల శాఖ మంత్రి డాక్టర్ వాకిటి శ్రీహరి(Dr. Vakiti Srihari) ఢిల్లీ వెళ్లారు. ఈ రోజు సాయంత్రం ఆయన శంషాబాద్ ఎయిర్ పోర్ట్(Shamshabad Airport) నుండి బయలుదేరారు. భ‌ట్టి, శ్రీహరి ఢిల్లీలోని సీనియర్ న్యాయవాదులను కలిసి న్యాయపరమైన అంశాలపై చర్చించనున్నారు. ప్రభుత్వ పక్షాన బలమైన వాదనలు వినిపించాలని సూచనలు చేయనున్నారు. మంత్రి తోపాటు ఢిల్లీకి వెళ్లిన వారిలో సీనియర్ కాంగ్రెస్ నాయకులు సంగంబండ గవినోళ్ళ గోపాల్ రెడ్డి, చెన్నయ్య సాగర్ తదితరులు ఉన్నారు.
