7.4 Earthquake Indonesia : భూకంపం బీభత్సం Andhra Prabha News
7.4 Earthquake Indonesia : భూకంపం బీభత్సం Andhra Prabha News
- ఇండోనేషియాలో ఒకరు మృతి
- 7.4 తీవ్రత నమోదు
- కుప్పకూలిన భవనాలు
- మొలుక్కా సముద్రంలో భూకంప కేంద్రం గుర్తింపు
- పసిఫిక్ దేశాలకు సునామీ హెచ్చరికలు జారీ
- ఫిలిప్పీన్స్, జపాన్ తీరాల్లో అలజడి
- ఆఫ్టర్ షాక్స్తో ప్రజల్లో భయం
- విద్యుత్ అంతరాయం.. సహాయక చర్యలు కొనసాగింపు
- భారతదేశానికి ముప్పు లేదని స్పష్టత
( ఆంధ్రప్రభ , జకర్తా ప్రతినిధి)
7.4 Earthquake Indonesia : ఇండోనేషియాలోని భారీ 7.4 Earthquake Indonesia 7.4 Earthquake Indonesia భూకపం కుదిపేసింది. సముద్ర గర్భంలో భూకంపం సంభవించటంతో ఫిలిఫైన్స్, జపాన్ దేశాలు సునామీ పడగలో ఉన్నాయి. భూకంప తీవ్రత ఎక్కవగా ఉండటంతో,… ఇండోనిషియా సహా.. సమీపంలోని దేశాలు గజగజలాడుతున్నాయి. .
7.4 Earthquake Indonesia : ఇండోనేషియా ఉత్తర మొలుక్కా సముద్ర ప్రాంతంలో గురువారం (ఏప్రిల్ 2, 2026) 7.4 తీవ్రతతో భూకంపం బీభత్సం సృష్టించింది. భారత కాలమానం ప్రకారం గురువారం తెల్లవారుజామున 4:18 గంటలకు (స్థానిక ఇండోనేషియా కాలమానం ప్రకారం ఉదయం 6:48 గంటలు).భూమి కంపించింది.
ఉత్తర మలుకు ప్రావిన్స్లోని టెర్నేట్ (Ternate) నగరానికి వాయువ్యంగా సుమారు 127 కిలోమీటర్ల దూరంలో, మొలుక్కా సముద్రంలో ఈ భూకంప కేంద్రం ఉంది. ఇది భూమి అంతర్భాగంలో 35 కిలోమీటర్ల లోతులో సంభవించినట్లు USGS వెల్లడించింది.
7.4 Earthquake Indonesia : సునామీ హెచ్చరిక :
భూకంపం సంభవించిన వెంటనే ఇండోనేషియా, ఫిలిప్పీన్స్ , మలేషియా తీరాలకు పసిఫిక్ సునామీ వార్నింగ్ సెంటర్ సునామీ హెచ్చరికలను జారీ చేసింది. పశ్చిమ హల్మహేరాలో 0.3 మీటర్ల (30 సెం.మీ) ఎత్తులో, బిటుంగ్లో 0.2 మీటర్ల ఎత్తులో స్వల్ప సునామీ అలలు నమోదయ్యాయి.
ఉత్తర సులవేసిలోని మనాడో ప్రాంతంలో భవనాల శిథిలాలు పడి ఒకరు మరణించినట్లు ప్రాథమిక నివేదికలు చెబుతున్నాయి. కొన్ని చోట్ల భవనాలు దెబ్బతిన్నాయి విద్యుత్ సరఫరా నిలిచిపోయింది. ప్రధాన భూకంపం తర్వాత 5.0 తీవ్రత వరకు ఉన్న అనేక ఆఫ్టర్ షాక్స్ (తదుపరి ప్రకంపనలు) నమోదవుతున్నాయి.
7.4 Earthquake Indonesia : భారత్ కు ముప్పులేదు
ఇండోనేషియాలోని మొలుక్కా సముద్రంలో సంభవించిన ఈ భూకంపం వల్ల భారతదేశంపై ఎటువంటి ముప్పు లేదు. దీనికి సంబంధించిన ముఖ్యమైన అంశాలు ఇక్కడ ఉన్నాయి: సునామీ ప్రమాదం లేదు: భారత సునామీ ముందస్తు హెచ్చరిక కేంద్రం (ITEWC) ప్రకారం, ఈ భూకంపం వల్ల భారత ప్రధాన భూభాగం (Mainland) లేదా అండమాన్ నికోబార్ దీవులకు ఎటువంటి సునామీ ముప్పు లేదు భూకంప కేంద్రం మొలుక్కా సముద్రంలో ఉంది. ఇది భారత తీరానికి అండమాన్ దీవులకు వేల కిలోమీటర్ల దూరంలో ఉండటం వల్ల ప్రకంపనలు కూడా ఇక్కడ నమోదు కాలేదు కేవలం ఇండోనేషియా, ఫిలిప్పీన్స్ మరియు జపాన్ వంటి సమీప పసిఫిక్ దేశాలకు మాత్రమే స్వల్ప సునామీ అలల హెచ్చరికలు జారీ అయ్యాయి
