అర్జీల పరిష్కారానికి ప్రత్యేక దృష్టి…
అర్జీల పరిష్కారానికి ప్రత్యేక దృష్టి…
జిల్లా కలెక్టర్ కృతిక శుక్లా
ప్రజా సమస్యల పరిష్కార వేదికలో 109 అర్జీలు
నరసరావుపేట, ఆంధ్రప్రభ : ప్రజా సమస్యల పరిష్కార వేదికలో వచ్చిన అర్జీల పరిష్కారానికి ప్రత్యేక దృష్టి పెట్టి పనిచేయాలని జిల్లా కలెక్టర్ కృతిక శుక్లా ఆయా శాఖల జిల్లా అధికారులను ఆదేశించారు. స్థానిక కలెక్టరేట్ లో సోమవారం నిర్వహించిన ప్రజా సమస్యల పరిష్కార వేదిక (పబ్లిక్ గ్రీవెన్స్ రీడ్రసెల్ సిస్టం, పిజిఆర్ఎస్) కార్యక్రమంలో భాగంగా జిల్లాలోని వివిధ మండలాల నుండి అనేక రకాల సమస్యలతో వచ్చిన అర్జీదారుల నుండి జిల్లా కలెక్టర్ కృతిక శుక్లా అర్జీలను స్వీకరించారు. ప్రజల నుండి మొత్తం 109 అర్జీలను జిల్లా కలెక్టర్ స్వీకరించారు.
ఈ సందర్భంగా జిల్లా కలెక్టర్ మాట్లాడుతూ అర్జీలను నాణ్యతగా పరిష్కరించాలన్నారు. జిల్లా అధికారులు అర్జీలను సకాలంలో పరిష్కరించాలని, ఆయా శాఖల పరిధిలో పిజిఆర్ఎస్ గ్రీవెన్స్ పై ఆడిట్ నిర్వహించాలన్నారు. అర్జీదారులతో మాట్లాడాలని, పెండింగ్ ఆడిట్ పూర్తి చేయాలన్నారు. జిల్లా అధికారులు వారి పరిధిలో ఎలాంటి పెండింగ్ లేకుండా ఎప్పటికప్పుడు అర్జీలను పరిష్కరించేందుకు చర్యలు తీసుకోవాలన్నారు. ఈ కార్యక్రమంలో జిల్లా రెవెన్యూ అధికారి నారదముని, వివిధ శాఖల జిల్లా అధికారులు తదితరులు పాల్గొన్నారు.
