వరల్డ్ టెస్ట్ ఛాంపియన్‌షిప్ ఫైనల్‌లో రసవత్తరంగా సాగుతోంది. ఈరోజు (గురువారం/డే2) ఆసీస్ తమ అద్భుత బౌలింగ్ యూనిత్ తో మెరిసింది. దీంతో నేటి మ్యాచ్ లో దక్షిణాఫ్రికా జట్టు చేతులెత్తేసింది. ఆసీస్ దెబ్బకి సఫారీలు తమ మొదటి ఇన్నింగ్స్‌లో కేవలం 138 పరుగులకే ఆలౌట్ అయ్యారు. దీంతో ఆస్ట్రేలియా జట్టు 74 పరుగుల లీడ్ సాధించింది.
ఆసీస్ ఇన్నింగ్స్ – వెబ్‌స్టర్, స్మిత్ పోరాటం
టాస్ ఓడి ముందుగా బ్యాటింగ్ చేసిన ఆస్ట్రేలియా జట్టు 212 పరుగులకు ఆలౌట్ అయ్యింది. బ్యాట్స్‌మెన్ బియూ వెబ్‌స్టర్ (72), స్టీవెన్ స్మిత్ (66) లు అర్ధశతకాలు చేసి పోరాడారు. అయితే దక్షిణాఫ్రికా బౌలర్లలో కగిసో రబాడా (5/51), మార్కో యాన్సెన్ (3/49)లు అద్భుతంగా బంతిని వాడి ఆసీస్ జట్టును పెద్ద స్కోర్ చేయకుండా కట్టడి చేశారు.
దక్షిణాఫ్రికా తడబాటు, కమ్మిన్స్ మ్యాజిక్
ఇక తమ తొలి ఇన్నింగ్స్ ప్రారంభించిన సఫారీలు.. ఆరంభంలోనే భారీ ఒత్తిడిలో పడిపోయారు. డేవిడ్ బెడింగామ్ (45), టెంబా బవుమా (36), రికెల్టన్ (16), కైల్ వెరైన్ (13) తప్ప మరెవ్వరూ కనీసం డబుల్ డిజిట్ స్కోర్ చేయలేకపోయారు.
ఆసీస్ కెప్టెన్ ప్యాట్ కమ్మిన్స్ ఫైఫ‌ర్ తో ఫైర్ పుట్టించాడు. అంతేకాకుండా టెస్ట్ క్రికెట్‌లో 298 వికెట్లు సాధించిన ఆసీస్ కెప్టెన్ పాట్ కమ్మిన్స్, ఈ మ్యాచ్‌లో 6 వికెట్లు (6/28) తీసుకుని తన 300 వికెట్ల మైలురాయి పూర్తి చేశారు. చివరికి రబాడాను ఔట్ చేసి ఇన్నింగ్స్‌ను ముగించాడు.
కీలక ఘట్టం
ఒక దశలో 121/5 వద్ద ఉన్న దక్షిణాఫ్రికా జట్టు చివరికి 138 పరుగులకే కుప్పకూలింది. పాట్ కమ్మిన్స్ నేతృత్వంలో ఆసీస్ బౌలింగ్ యూనిట్ స్ఫూర్తిగా రాణించింది. తొలి ఇన్నింగ్స్ ఆధిక్యం సాధించడంతో ఆసీస్ ఇప్పుడు మ్యాచ్‌పై దృష్టి పెట్టేందుకు సమయానుగుణంగా ఆధిక్యంలోకి వచ్చింది.
ఇక ఆసీస్ రెండో ఇన్నింగ్స్ !
ప్రస్తుతం తమ రెండో ఇన్నింగ్స్ ప్రారంభించిన ఆసీస్ జట్టు… ఈసారి బాగా బ్యాటింగ్ చేస్తే దక్షిణాఫ్రికా ముందు భారీ లక్ష్యం ఉంచే అవకాశం ఉంది.
