- టేకుమట్ల ఎస్సై సుధాకర్
స్థానిక సంస్థల ఎన్నికల నేపథ్యంలో…. సోషల్ మీడియాలో రెచ్చగొట్టే పోస్టులు లేదా వ్యాఖ్యలు పెట్టిన వ్యక్తులపై కఠినమైన చట్టపరమైన చర్యలు తప్పవని టేకుమట్ల ఎస్సై సుధాకర్ హెచ్చరించారు.
ఆదివారం ప్రభ న్యూస్‌తో మాట్లాడిన ఆయన… ప్రస్తుతం ఎన్నికల నియమావళి అమలులో ఉన్నందున… ఇతరుల మనోభావాలను దెబ్బతీసేలా సోషల్ మీడియాలో ప్రసారం చేసే ఏ విధమైన కంటెంట్‌పైనా కేసులు నమోదు చేస్తామని తెలిపారు.
సోషల్ మీడియా ద్వారా హానికరమైన, ఉద్రిక్తతలకు దారితీసే పోస్టులు షేర్ చేసినా కూడా బాధ్యులపై చర్యలు తప్పవని ఎస్సై హెచ్చరించారు. గ్రామాల్లో బెల్ట్ షాపులు నిర్వహించే వారిపై కూడా సంబంధిత శాఖ ద్వారా చర్యలు తీసుకుంటామని అన్నారు.
