ఆంధ్ర‌ప్ర‌భ వెబ్ డెస్క్ : మహారాష్ట్ర(Maharashtra)లో నీటి సంక్షోభం నేపథ్యంలో సాయిబాబా సంస్థాన్ (Sai Baba Sansthan) ముఖ్యమంత్రి సహాయ నిధి (Chief Minister’s Relief Fund)కి రూ.5 కోట్ల భారీ సహాయాన్ని ప్రకటించింది. గతంలో, సంస్థాన్ రూ. కోటి సహాయం అందించాలని నిర్ణయించింది. కానీ సంక్షోభ తీవ్రతను పరిగణనలోకి తీసుకుని, సహాయ మొత్తాన్ని పెంచాలని నిర్ణయించినట్లు సంస్థాన్ చీఫ్ ఎగ్జిక్యూటివ్ ఆఫీసర్ గోరక్ష్ గాడిల్కర్ తెలిపారు. జిల్లా ప్రధాన న్యాయమూర్తి, సంస్థ అధ్యక్షురాలు అంజు షెండే (సొంటక్కే), కలెక్టర్ డా. పంకజ్ ఆసియా, సీఈఓ గోరక్ష్ గాడిల్కర్ ఈ నిర్ణయం తీసుకున్నారు.
అదనపు సహాయం కోసం మంగళవారం ఆమోదం కోసం హైకోర్టుకు రూ.5 కోట్ల ప్రతిపాదన పంపించారు. సంస్థాన్ రాష్ట్రానికి సహాయం చేయడమే కాకుండా, స్థానిక స్థాయిలో మానవత్వాన్ని కాపాడింది. షిర్డీ ప్రాంతంలో భారీ వర్షాల కారణంగా ఇళ్ళు మునిగిపోయిన కుటుంబాలకు, సాయి ఆశ్రమంలో తాత్కాలిక ఆశ్రయం ఏర్పాటు చేయబడింది. ప్రసాదాలయంలో ఆహారాన్ని అందించారు.
