Padma | ఆశీర్వదిస్తే.. అభివృద్ధి చేస్తా
Padma | నల్లబెల్లి, ఆంధ్రప్రభ : లెంకాల పెల్లి గ్రామ ప్రజలు ఆదరించి ఫుట్ బాల్ గుర్తుకు ఓటేసి సర్పంచ్ గా గెలిపిస్తే.. లెంకాల పెల్లి గ్రామాన్ని మరింతగా అభివృద్ది చేస్తాను అన్నారు సర్పంచ్ అభ్యర్థి మామిండ్ల పద్మ కొమురయ్య. నర్సంపేట ఎమ్మెల్యే దొంతి మాధవరెడ్డి ఆశీస్సులతో గ్రామానికి అధిక నిధులు తీసుకొచ్చి గ్రామంలోని మిగిలిన పనులను పూర్తి చేసి గ్రామాన్నిఅభివృద్ధి పథంలో నడిపిస్తానని కాంగ్రెస్ సర్పంచ్ అభ్యర్థి మామిండ్ల పద్మ కొమురయ్య అన్నారు. గ్రామంలో కార్యకర్తలతో కలిసి ఇంటింటి ప్రచారం నిర్వహించారు.
ఈ సందర్భంగా సర్పంచ్ అభ్యర్థి మాట్లాడుతూ.. గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడతాను. సీసీ రోడ్లు, డ్రైనేజీ పనుల తో పాటు, అర్హులైన వారికి పెన్షన్స్ ఇందిరమ్మ ఇళ్లను ఇప్పించేందుకు సిద్ధంగా ఉన్నాను. గ్రామంలోని సమస్యలను తీర్చేందుకు అధికారులతో సమన్వయం చేసుకొని గ్రామాన్ని అభివృద్ధి పథం వైపు నడిపించేందుకు సిద్ధంగా ఉన్నట్లు తెలిపారు.
