Netball | కమ్మర్ పల్లి, ఆంధ్రప్రభ : నెట్ బాల్ క్రీడలో రాష్ట్రస్థాయికి విద్యార్థిని ఎంపికైంది. నిజామాబాద్ జిల్లా మాణిక్ బండార్ లోని పాఠశాలలో ఆదివారం జరిగిన నెట్ బాల్ క్రీడ టోర్నమెంట్ అండ్ సెలక్షన్ లో అత్యంత ప్రతిభ కనబరిచి రాష్ట్రస్థాయి నెట్ బాల్ క్రీడా పోటీలో జెడ్పిహెచ్ఎస్ కోన సమందర్ పాఠశాలకు చెందిన బి.వెన్నెల ( 9వ తరగతి )విద్యార్థిని ఎంపికైనట్లు పాఠశాల ప్రధానోపాధ్యాయులు బి. మధుపాల్, పి. డి రమేష్ గౌడ్ ఇవాళ తెలిపారు.
ఈసందర్భంగా పాఠశాల ప్రధానోపాధ్యాయులు మధుపాల్, గ్రామ వీడీసీ అధ్యక్షులు మెల్ల గంగాధర్, అమ్మ ఆదర్శ పాఠశాల కమిటీ సభ్యులు, ఉపాధ్యాయుల బృందం వెన్నెలను అభినందించారు. ఈనెల 25, 26, 27 వ తేదీల్లో మహబూబాబాద్ లోని కేస సముద్రంలో జరిగే రాష్ట్రస్థాయి నెట్ బాల్ పోటీల్లో పాల్గొననున్నట్లు పీడీ రమేష్ గౌడ్ తెలిపారు. ఉత్తమ ప్రతిభను ప్రదర్శించి పాఠశాలకు, గ్రామానికి, ఉపాధ్యాయులకు మంచిపేరు తీసుకురావాలని ఆకాంక్షించారు.
