గాజుల‌రామారంలో కూలిన ఇళ్ల ప‌రిశీల‌న..
హైద‌రాబాద్‌, ఆంధ్ర‌ప్ర‌భ : గాజులరామారం బస్తీలో నిన్న హైడ్రా కూల్చివేసిన అక్ర‌మ క‌ట్ట‌డాలను తెలంగాన జాగృతి అధ్యక్షురాలు, ఎమ్మెల్సీ కల్వకుంట్ల కవిత (mlc kalvakuntla kavitha) ప‌రిశీలించారు. ఈ రోజు గాజుల‌రామారంలో ప‌ర్య‌టించిన ఆమె బాధితుల‌ను ప‌రామ‌ర్శించారు. హైదరాబాద్‌లోని దేవేందర్ నగర్, బాలయ్య బస్తీ, గాలిపోచమ్మ బస్తీలలో ఆక్ర‌మ‌ణ‌ల‌ను హైడ్రా అధికారుల చర్యలతో నేలమట్టమ‌య్యాయి. హైడ్రా అధికారులు, ఈ ప్రాంతంలో ఉన్న కొన్ని ఇళ్లు ప్రభుత్వ భూమిపై అక్రమంగా నిర్మించబడ్డాయని, అందుకే వాటిని తొలగించడం అవసరం అని తెలిపారు. అయితే, ఇలాంటివి స్థానికుల కోసం పెద్ద సమస్యగా మారింది, ఎందుకంటే ఇళ్లలో నివసిస్తున్న ప్రజలు పెద్ద సంఖ్యలో తమ ఇళ్లు, వ్యక్తిగత సొమ్ములు, రోజువారీ జీవనాధారాన్ని కోల్పోయారు.
ఈ క్రమంలో గాజులరామారం (Gajularamaram) లోని గాలి పోచమ్మ బస్తీకి చెందిన ఇళ్లు, వాటి పరిసర ప్రాంతాలను సందర్శించిన తెలంగాణ జాగృతి అధ్యక్షురాలు అండ్ మాజీ ఎంపీ కల్వకుంట్ల కవిత, ఈ సంఘటనపై తన ఆందోళనను వ్యక్తం చేశారు. బస్తీ నివాసితుల పరిస్థితిని ఆమె స్వయంగా చూసి, బాధితులతో ముచ్చటించి, వారి సమస్యలను వివరంగా తెలుసుకున్నారు.
ఇక్కడి స్థానికులు తమ ఇళ్ళను తొలగించడానికి ముందు కనీసం నోటీసులు (Notices) ఇవ్వకపోవడం, దాని కోసం ఎలాంటి ముందస్తు సమాచారం లేదా మద్దతు ఏర్పాట్లు చేయకపోవడం వల్ల తీవ్ర ఆగ్రహాన్ని వ్యక్తం చేశారు. భవిష్యత్తులో ఇలాంటి చర్యలు తీసుకునే ముందు సమగ్ర నోటీసులు, సమన్వయ ప్రయత్నాలు, స్థానికుల హక్కులను గౌరవించే విధంగా ప్రణాళికలు అమలు చేయాలని స్పష్టం చేశారు.
