సమస్యలు పరిష్కరించే నాయకుడిని గెలిపించండి
ఊట్కూర్, ఆంధ్రప్రభ: ప్రజా సమస్యలను పరిష్కరించడంలో, ప్రజల మధ్య నిరంతరం ఉండే నాయకుడిని సర్పంచ్గా గెలిపిస్తేనే సమస్యలు పరిష్కారమవుతాయని మహబూబ్నగర్ ఎంపీ డీకే అరుణ తెలిపారు. ఆయన ఊట్కూర్ బిజెపి బలపరిచిన సర్పంచ్ అభ్యర్థి ఎం.రేణుకభరతును గెలిపిస్తే తన సంపూర్ణ సహకారం ఉంటుందని స్పష్టం చేశారు.
అదే సమయంలో కేంద్ర ప్రభుత్వం ప్రవేశపెడుతున్న వివిధ సంక్షేమ పథకాల వివరాలను ప్రజలకు తెలియజేయాలని పిలుపునిచ్చారు. ఆదివారం నారాయణపేట జిల్లా ఊట్కూర్ మండల కేంద్రంలో స్థానిక సంస్థల ఎన్నికల ప్రచారంలో భాగంగా నిర్వహించిన కార్నర్ మీటింగ్కు ఆయన హాజరయ్యారు.
ఈ సందర్భంగా డీకే అరుణ మాట్లాడుతూ, కేంద్ర ప్రభుత్వం బడుగు, బలహీన వర్గాల అభివృద్ధికి విపులమైన కృషి చేస్తుందని పేర్కొన్నారు. ప్రజా సమస్యల పరిష్కారానికి పోరాటం చేసిన యువ నేత రేణుకభరత్ వంటి నాయకులు రాజకీయాల్లోకి రావాల్సిన అవసరం ఉందని తెలిపారు. 70 ఏళ్ల చరిత్రలో ఊట్కూర్ ప్రాంత పాలకుల నిర్లక్ష్యం కారణంగా అభివృద్ధి ఆలస్యమైందని, గత 5 ఏళ్లలో మాజీ సర్పంచ్ భాస్కర్ చేసిన అభివృద్ధి చర్యలను మరింత విస్తరించడానికి రేణుకభరత్ లాంటి నాయకులను గెలిపిస్తే అభివృద్ధి సాధ్యమని తెలిపారు.
అంతేకాక, ప్రధానమంత్రి నరేంద్ర మోడీ ప్రవేశపెట్టిన పథకాలను ప్రతి ఇంటి దరివాటకు చేరవేయడం యువతకు అవకాశం కల్పించడం అభినందనీయమని ఆయన పేర్కొన్నారు. సర్పంచ్ ఎన్నికల్లో రేణుకభరత్ను భారీ మెజారిటీతో గెలిపిస్తే ఊట్కూర్ అభివృద్ధికి వంచన లేకుండా కృషి చేస్తానని హామీ ఇచ్చారు.
ఈ కార్యక్రమంలో బిజెపి నాయకులు రతంగు పాండురెడ్డి, కొండయ్య, పగుడాకుల శ్రీనివాస్, ఎం. భాస్కర్, కృష్ణయ్య గౌడ్, విజయ్ కుమార్, ఆశప్ప, లక్ష్మణ్, రమేష్, హన్మంతు తదితరులు పాల్గొన్నారు.
