Locomotive | నంద్యాల రైల్వేపిట్ లైన్కు గ్రీన్ సిగ్నల్…
Locomotive | నంద్యాల రైల్వేపిట్ లైన్కు గ్రీన్ సిగ్నల్…
- ఉద్యోగ, ఉపాధి అవకాశాలు..
- నంద్యాల ఎంపీ..
Locomotive | నంద్యాల బ్యూరో, ఆంధ్రప్రభ : నంద్యాలకు రైల్వే పిట్ లైన్.. వాషింగ్ పిట్ లైన్ ఏర్పాటు కోసం ప్రత్యేక కేంద్ర రైల్వే శాఖ మంత్రి అశ్వనీ వైష్ణవ్ దృష్టికి తెచ్చానని, వీటిపై పరిశీలించి నివేదిక ఇవ్వాలని రైల్వేశాఖ(Department of Railways) ఉన్నతాధికారులను కేంద్ర రైల్వే శాఖ మంత్రి ఆదేశించినట్లు నంద్యాల పార్లమెంట్ సభ్యురాలు, డాక్టర్ బైరెడ్డి శబరి ఈ రోజు తెలిపారు.
రైల్వే పిట్ లైన్ వల్ల నంద్యాల వాసులకు ఉద్యోగ, ఉపాధి లభిస్తుందని, రైల్వే పిట్ లైన్ వాషింగ్ పిట్ లైన్ అనేది ఒక నియమించబడిన ట్రాక్ అన్నారు. ఇది ప్రయాణీకుల కోచ్లు లేదా లోకోమోటివ్(Locomotive)ల సాధారణ శుభ్రపరచడం, తనిఖీ, పరీక్ష చిన్న నిర్వహణ కోసం ఉపయోగించబడుతుందన్నారు.
దీని వలన సిబ్బంది రైలు కింద వైపులా సులభంగా పని చేయడానికి వీలు కల్పిస్తుందన్నారు. బోగీలను కడగటం, తనిఖీ చేయడం, తదుపరి ప్రయాణానికి ముందు భద్రతను నిర్ధారించడం వంటి పనులు చేస్తారన్నారు.
కోచింగ్ డిపోలలో మొత్తం రేక్లకు సమర్ధవంతంగా సేవ చేయడానికి, టర్నరౌండ్ సమయాన్ని తగ్గించడానికి, కార్యాచరణ సామర్థ్యాన్ని మెరుగుపరచడానికి ఇవి కీలకమైనవని తెలిపారు. నంద్యాలలో ఈ పిట్ లైన్ ఏర్పాటు వల్ల వందల మంది స్థానికులకు కూడా ఉద్యోగ, ఉపాధి లభిస్తుందని ఎంపీ తెలిపారు.
