CCI | పత్తి మిల్లులో జాయింట్ కలెక్టర్
జిల్లా జాయింట్ కలెక్టర్ నూరుల్ కమర్
CCI | కర్నూలు బ్యూరో, ఆంధ్రప్రభ : పత్తి రైతుల కు అనుకూలంగా వ్యవహరించి పత్తి కొనుగోలు చేయాలని జిల్లా జాయింట్ కలెక్టర్ నూరుల్ కమర్ కోరారు. బుధవారం ఉదయం ఆదోని పత్తి మిల్లులో జాయింట్ కలెక్టర్ (Collector) నూరుల్ కమర్ సిసిఐ ద్వారా పత్తి కొనుగోలు జరుగుతున్న విధానాన్ని పరిశీలించారు. ఈ సందర్భంగా రైతులతో మాట్లాడి వారి సమస్యలను అడిగి తెలుసుకున్నారు. పత్తి రైతుల పంటలను సిసిఐ వారు ప్రభుత్వ నిబంధనల మేరకు అర్థం చేసుకొని కొనుగోలు చేయాలని వారిని కోరారు. ఈ సంవత్సరం రైతులు అకాల వర్షాలు వల్ల దాదాపు అన్ని పంటలు తీవ్రంగా నష్టపోయారని అందులో పత్తి కూడా ఉన్నదని కావున జిన్నింగ్ మిల్లుల వారు ఈ విషయాన్ని గ్రహించి రైతుల కు అనుకూలంగా వ్యవహరించి కొనుగోలు చేయాలని తెలిపారు .ఈ సందర్భంగా సీసీఐ వారు నిరాకరించిన రంగు మారిన పత్తిని చెమ్మ చేరిన పత్తిని జాయింట్ కలెక్టర్ కు చూపించారు. సీసీఐ వారు నిరాకరించిన పత్తిని మిల్లు యజమానులు రైతులను ఇబ్బంది పెట్టకుండా తప్పక మంచి ధర ఇచ్చి కొనుగోలు చేయాలని ఆదేశించారు. జాయింట్ కలెక్టర్ పర్యటనలో ఇన్చార్జి ఆర్డీవో కొండయ్య , ఇన్చార్జ్ ఆదోని తాహసిల్దార్ బాబు మార్కెట్ యార్డ్ సెక్రటరీ గోవిందప్ప పాల్గొన్నారు.
