Itikalpalle | ఆశీర్వదించండి.. అభివృద్ధి చేస్తా..

Itikalpalle | ఆశీర్వదించండి.. అభివృద్ధి చేస్తా..

Itikalpalle, నర్సంపేట రూరల్, ఆంధ్రప్రభ : ఇటికలపల్లె గ్రామ ప్రజలు తనను ఆశీర్వదించి బ్యాటు గుర్తు పై ఓటు వేసి సర్పంచిగా గెలిపిస్తే.. ఇటికలపల్లె గ్రామాన్ని నర్సంపేట ఎమ్మెల్యే దొంతి మాధవరెడ్డి ఆశీస్సులతో ప్రభుత్వ నిధులతో.. అభివృద్ధి పథంలో నడిపిస్తానని కాంగ్రెస్ పార్టీ సర్పంచ్ అభ్యర్థి మేర్గు సుమలత శ్రీనివాస్ గౌడ్ ప్రజలకు హామీ ఇచ్చారు. గ్రామంలో కార్యకర్తలతో కలిసి ఇంటింటి ప్రచారం నిర్వహించారు.

ఈ నేపథ్యంలో సర్పంచ్ అభ్యర్థి మేర్గు సుమలత శ్రీనివాస్ గౌడ్ మాట్లాడుతూ.. ప్రస్తుతం తెలంగాణ రాష్ట్రంలో జరుగుతున్న మూడవ సాధారణ గ్రామ పంచాయతీ ఎన్నికలలో దొంతి మాధవ రెడ్డి ఆదేశాలతో.. నర్సంపేట మండల కమిటీ సూచన మేరకు పోటీ చేస్తున్నాను. ఇటుకాలపల్లి కాంగ్రెస్ పార్టీ గ్రామ కమిటీ సభ్యులు, పార్టీ అభిమానులు, గ్రామ పెద్దల ఆశీస్సులతో ఇటుకాలపల్లి గ్రామపంచాయతీ సర్పంచ్ అభ్యర్థిగా పోటీ చేయడానికి ఏకగ్రీవంగా ఎన్నుకున్నారు. గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడతానని, గ్రామంలో మిగిలిపోయిన సీసీ రోడ్లును డ్రైనేజీ పనులను చేయిస్తాను అన్నారు. అర్హులైన వారికి పెన్షన్స్, ఇందిరమ్మ ఇళ్లను ఇప్పించేందుకు తాను సిద్ధంగా ఉన్నానని ఈ సందర్భంగా తెలిపారు. గ్రామంలోని సమస్యలను తీర్చేందుకు అధికారులతో సమన్వయం చేసుకొని గ్రామాన్ని అభివృద్ధి పథం వైపు నడిపిస్తాను అన్నారు.