Icon Star | బన్నీ నెక్ట్స్ కాన్సెప్ట్ ఏంటి..?

January 16, 2026 Praneeth Kumar

Icon Star | ఆంధ్రప్రభ వెబ్ డెస్క్ : ఐకాన్ స్టార్ అల్లు అర్జున్ ప్రస్తుతం కోలీవుడ్ స్టార్ డైరెక్టర్ అట్లీతో సినిమా చేస్తున్న విషయం తెలిసిందే. మరి.. నెక్ట్స్ మూవీ (Movie) ఎవరితో అనేది సస్పెన్స్ గా ఉండేది. బన్నీ అభిమానులే కాదు.. మూవీ లవర్స్ కి కూడా అల్లు అర్జున్ తదుపరి చిత్రాన్ని ఎవరితో చేస్తాడు అనేది ఆసక్తిగా ఉండేది. ఇప్పుడు ఆ సస్పెన్స్ కు తెర దించేశాడు. బన్నీ.. నెక్ట్స్ మూవీ ఎవరితో అనేది అఫిషియల్ గా అనౌన్స్ చేశాడు. ఇంతకీ.. బన్నీ నెక్ట్స్ ఏంటి..?

సంక్రాంతి సందర్భంగా ఐకాన్ స్టార్ అల్లు అర్జున్ అభిమానుల‌కు గుడ్‌న్యూస్ చెప్పాడు. బ్లాక్ బ‌స్ట‌ర్ ఫిల్మ్ మేక‌ర్‌ లోకేష్ క‌న‌క‌రాజ్ తో సినిమా చేస్తున్నట్టుగా ప్రకటించారు. ఇండియ‌న్ (Indian) సినీ ఇండ‌స్ట్రీలో ఇద్ద‌రు స్టార్స్ క‌లిసి ప‌ని చేయ‌బోతోన్న ఈ సినిమా ఆడియెన్స్‌కు ఓ అద్భుత‌మైన సినిమాటిక్ ఎక్స్‌పీరియెన్స్‌ను అందించ‌నుంది. ఈ ప్రెస్టీజియ‌స్ ప్రాజెక్ట్‌ను ప‌వ‌ర్‌ఫుల్ వీడియో కంటెంట్‌తో అనౌన్స్ చేయ‌టంతో సినిమా పై అంచ‌నాలు పెరిగాయి. ప్ర‌ముఖ నిర్మాణ సంస్థ మైత్రీ మూవీ మేక‌ర్స్‌, బివి వ‌ర్క్స్‌తో క‌లిసి నిర్మిస్తోన్నఈ సినిమా నేష‌న‌ల్ రేంజ్‌లో అభిమానులు, ప్రేక్ష‌కుల అంచ‌నాల‌ను పెంచేస్తోంది.

ఈ భారీ చిత్రానికి న‌వీన్ ఎర్నేని, వై.ర‌విశంక‌ర్ నిర్మాత‌లు. బ‌న్నీవాస్‌తో పాటు న‌ట్టి, శాండీ, స్వాతి స‌హ నిర్మాత‌లుగా వ్య‌వ‌హ‌రిస్తున్నారు. సోష‌ల్ మీడియాలో (Social Media) ఇప్పుడీ అనౌన్స్‌మెంట్ తెగ వైర‌ల్ అవుతోంది. సినిమా ఎలా ఉండ‌బోతుంది..? క‌థేంటి అనే అంశాల‌ పై పెద్ద ఎత్తున చ‌ర్చ‌లు జ‌రుగుతున్నాయి. తిరుగులేని స్టైల్‌, ఎల‌క్ట్రిఫైయింగ్ స్క్రీన్ ప్రెజ‌న్స్‌, పాన్ ఇండియా స్టార్‌డ‌మ్ ఉన్న అల్లు అర్జున్‌.. వాస్త‌వానికి ద‌గ్గ‌ర‌గా ఉండే, హై ఇంపాక్ట్ ఫిల్మ్ మేకింగ్‌తో క‌మ‌ర్షియ‌ల్ సినిమాల‌కు కొత్త అర్థం ఇచ్చిన ద‌ర్శ‌కుడు లోకేష్ క‌న‌క‌రాజ్ క‌లిసి ఈ సినిమాలో ప‌ని చేస్తున్నారు. వీరికి తోడుగా రాక్‌స్టార్ అనిరుధ్ కూడా జాయిన్ కావ‌టం విశేషం.

సెన్సేషనల్ మ్యూజిక్ డైరెక్టర్ అనిరుధ్ రవిచందర్ సంగీతం అందిస్తోన్న ఈ సినిమా షూటింగ్ (Shooting) 2026 ఆగస్టులో ప్రారంభం కానుంది. AA23 అనే వ‌ర్కింగ్ టైటిల్‌తో తెరకెక్కునున్న‌ ఈ సినిమాలో అల్లు అర్జున్‌, లోకేష్ కనగరాజ్ డైనమిక్ దర్శకత్వంలో ఇప్పటివరకు ఎప్పుడూ చూడని కొత్త లుక్‌లో క‌నిపించ‌బోతున్నారు. రీసెంట్ టైమ్స్‌లో అంద‌రూ అత్యంత ఆసక్తిగా ఎదురుచూస్తున్న సినిమాల్లో ఒకటిగా మారింది. మొత్తానికి బన్నీ ప్లాన్ అదిరింది. మరి.. అల్లు అర్జున్, లోకేష్‌ కనకరాజ్ కలిసి.. ఏ రేంజ్ లో సెన్సేషన్ క్రియేట్ చేస్తారో చూడాలి.