భారత జూనియర్ పురుషుల హాకీ జట్టు ఈరోజు (బుధవారం) జర్మనీకి బయలుదేరింది. ఈ నెల (జూన్) 21 నుండి 25 వరకు బెర్లిన్‌లోని బ్లూ-వైట్ మైదానంలో జరిగ‌నున్న 4 నేషన్స్ టోర్నమెంట్‌లో భారతదేశం పాల్గొంటుంది.
కెప్టెన్ అరిజిత్ సింగ్ హుందాల్ నేతృత్వంలోని భారత జట్టు ఈ టోర్నమెంట్‌లో తన తొలి మ్యాచ్‌ను జూన్ 21న ఆతిథ్య జర్మనీతో ఆడనుంది. తదుపరి మ్యాచ్‌లలో జూన్ 22న ఆస్ట్రేలియాతో, జూన్ 24న స్పెయిన్‌తో తలపడనుంది.
పూల్ దశలో టాప్-2లో న‌లిచిన జట్లు జూన్ 25న టైటిల్ కోసం పోటీపడతాయి. మిగిలిన రెండు జట్లు మూడో స్థానం కోసం చివరి రోజున తలపడతాయి.
ఈ సంద‌ర్భంగా కెప్టెన్ అరైజీత్ మాట్లాడుతూ, “ఈ టోర్నమెంట్ మా కోసం చాలా కీలకం. నవంబర్ 28 నుండి డిసెంబర్ 10 వరకు చెన్నై, మధురైలో జరగనున్న FIH జూనియర్ వరల్డ్ కప్ ముందు ఇది మంచి ప్రిపరేషన్ మ్యాచ్ కానుంది. ప్రపంచ స్థాయి జట్లతో తలపడటం ద్వారా మా బలహీనతలు, శక్తులు గుర్తించుకోవచ్చు. కొత్త కాంబినేషన్లు ప్రయోగించి, వ్యూహాలను పరీక్షించేందుకు ఇది అద్భుతమైన అవకాశం,” అని తెలిపారు.
ఇక, వరల్డ్ కప్ సమీపిస్తున్న నేపథ్యంలో భారత యువ జట్టు ఈ టోర్నీ ద్వారా తమ శక్తిని ప్రపంచానికి చాటేందుకు సిద్ధమవుతోంది.
