GOVT FUND | ఆశీర్వదించండి అభివృద్ధి చేస్తా
GOVT FUND | ఆశీర్వదించండి అభివృద్ధి చేస్తా
బజ్జు తండా కాంగ్రెస్ పార్టీ సర్పంచ్ అభ్యర్థి నునావత్ కాసిం
GOVT FUND | నల్లబెల్లి, ఆంధ్రప్రభ : బజ్జు తండా గ్రామ ప్రజలు లేడీ పర్సు గుర్తుకే ఓటు వేసి తనను ఆశీర్వదించి.. సర్పంచిగా గెలిపిస్తే బజ్జు తండా గ్రామాన్ని అభివృద్ధి చేస్తానని కాంగ్రెస్ పార్టీ సర్పంచ్ అభ్యర్థి నునావత్ కాసిం అన్నారు.నర్సంపేట ఎమ్మెల్యే దొంతి మాధవరెడ్డి ఆశీస్సులతో తండాను ప్రభుత్వ నిధులతో అభివృద్ధి పథంలో నడిపిస్తానన్నారు. గ్రామంలో కార్యకర్తలతో కలిసి ఇంటింటి ప్రచార నిర్వహించారు. ఈసందర్భంగా సర్పంచ్ అభ్యర్థి మాట్లాడుతూ… ప్రస్తుతం తెలంగాణ రాష్ట్రంలో జరుగుతున్న రెండవ సాధారణ గ్రామపంచాయతీ ఎన్నికల్లో దొంతి మాధవ రెడ్డి ఆశీస్సులతో బజ్జు తండా గ్రామపంచాయతీ సర్పంచ్ అభ్యర్థిగా పోటీ చేయడం జరుగుతుందన్నారు.
గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడతానని, గ్రామంలో మిగిలిపోయిన సీసీ రోడ్లు, డ్రైనేజీ పనులను, అర్హులైన వారికి పెన్షన్స్, ఇందిరమ్మ ఇళ్లను ఇప్పించేందుకు తాను సిద్ధంగా ఉన్నానని తెలిపారు. గ్రామంలోని సమస్యలను తీర్చేందుకు అధికారులతో సమన్వయం చేసుకొని గ్రామాన్ని అభివృద్ధి పథం వైపు నడిపించేందుకు సిద్ధంగా ఉన్నట్లు తెలిపారు.
