గుండ్ల పోచంపల్లి డివిజన్లో ఘనంగా బీజేపీ ఆవిర్భావ దినోత్సవం….
గుండ్ల పోచంపల్లి డివిజన్లో ఘనంగా బీజేపీ ఆవిర్భావ దినోత్సవం….
మేడ్చల్, ఆంధ్రప్రభ : సైబరాబాద్ కార్పొరేషన్ మేడ్చల్ సర్కిల్ గుండ్ల పోచంపల్లి డివిజన్లో సోమవారం రోజు భారతీయ జనతా పార్టీ (బిజెపి) ఆవిర్భావ దినోత్సవం ఘనంగా నిర్వహించారు. ఈ సందర్భంగా ఈ కార్యక్రమంలో బీజేపీ నాయకులు, కార్యకర్తలు ఉత్సాహంగా పాల్గొన్నారు. జెండా ఆవిష్కరనలో భాగంగా డివిజన్ అధ్యక్షుడు, ముఖ్య నాయకులు పార్టీ జెండాను ఆవిష్కరించారు. ఈ సందర్భంగా నాయకులు మాట్లాడుతూ, పార్టీ ప్రస్థానాన్ని, దేశాభివృద్ధిలో బీజేపీ పోషిస్తున్న కీలక పాత్రను వివరించారు.
రాబోయే రోజుల్లో ప్రజా సమస్యలపై పోరాటం ఉధృతం చేస్తామని, ప్రజలకు మరింత చేరువవుతామని స్పష్టం చేశారు. ఈ కార్యక్రమంలో మేడ్చల్ జిల్లా బీజేపీ మాజీ అధ్యక్షులు పట్లోళ్ల విక్రమ్ రెడ్డి, మేడ్చల్ జిల్లా ప్రధాన కార్యదర్శి అమరం మోహన్ రెడ్డి, గుండ్ల పోచంపల్లి మునిసిపల్ మాజీ కౌన్సిలర్ దొడ్ల మల్లికార్జున్, స్థానిక నాయకులు, మహిళా మోర్చా ప్రతినిధులు, యువజన సంఘాల సభ్యులు పెద్ద సంఖ్యలో పాల్గొన్నారు. పార్టీని క్షేత్రస్థాయిలో బలోపేతం చేసేందుకు ప్రతి ఒక్కరూ కృషి చేయాలని పిలుపునిచ్చారు. ఈ వేడుకల ద్వారా కార్యకర్తలలో నూతన ఉత్సాహం నింపేలా నాయకులు దిశానిర్దేశం చేశారు.
