Bikkanur | యువకుడి దారుణ హత్య…
Bikkanur | బిక్కనూర్, ఆంధ్రప్రభ : కామారెడ్డి జిల్లా బిక్కనూర్ మండలం మోటాట్ పల్లి గ్రామంలో శనివారం తెల్లవారుజామున యువకుడు దారుణ హత్యకు గురయ్యారు. గ్రామానికి చెందిన ఎర్ర రాజు(32) ను గ్రామంలోని గ్రామ సచివాలయం వెనుక దారుణంగా హత్యచేశారు. ఈ విషయాన్ని గ్రామస్తులు గమనించి వెంటనే పోలీసులకు సమాచారం అందించారు. ఈ మేరకు పోలీసులు (police) సంఘటన స్థలానికి చేరుకొని హత్యకు గల కారణాలపై విచారణ చేపట్టారు. గ్రామంలో ఎలాంటి అవాంఛనీయ సంఘటనలు జరగకుండా పోలీసులు భారీ బందోబస్తు ఏర్పాటు చేశారు. రాజును ఎవరు హత్య చేశారన్న దానిపై ప్రస్తుతం గ్రామంలో విచారణ కొనసాగుతుంది.
