బీజేపీ ఆవిర్భావ దినోత్సవ శుభాకాంక్షలు
బీజేపీ ఆవిర్భావ దినోత్సవ శుభాకాంక్షలు
మేడ్చల్, ఆంధ్రప్రభ : సైబరాబాద్ మునిసిపల్ కార్పొరేషన్ మేడ్చల్ సర్కిల్ గుండ్లపోచంపల్లి డివిజన్ పరిధిలో భారతీయ జనతా పార్టీ ఆవిర్భావ దినోత్సవం సందర్భంగా, పార్టీ కార్యకర్తలు, శ్రేణులు ఉత్సాహంగా వేడుకలు జరుపుకున్నారు.ఈ సందర్భాన్ని పురస్కరించుకుని, మేడ్చల్ జిల్లా ప్రధాన కార్యదర్శి అమరం మోహన్ రెడ్డి పార్టీ పతాకాన్ని తన నివాసంపై ఆవిష్కరించారు.
ఈ సందర్భంగా ఆయన మాట్లాడుతూ, ఎందరో మహానుభావుల త్యాగాల ఫలితంగానే నేడు బీజేపీ ఈ స్థాయికి చేరుకుంది. కేంద్రంలో అధికారంలోకి వచ్చి 12 సంవత్సరాలు పూర్తయిన ఈ తరుణంలో ప్రధాని నరేంద్ర మోడీ నాయకత్వంలో దేశం అభివృద్ధి పథంలో దూసుకుపోతోంది. అవినీతి రహిత పాలనను అందిస్తూ, అనేక ప్రజా సంక్షేమ పథకాలను అమలు చేస్తున్న మోడీ దేశానికి ఆదర్శంగా నిలిచారు” అని కొనియాడారు.
ఈ సందర్భంగా అమరం మోహన్ రెడ్డి భారతీయ జనతా పార్టీ నాయకులకు, కార్యకర్తలకు, పార్టీ సానుభూతిపరులకు ఆవిర్భావ దినోత్సవ శుభాకాంక్షలు తెలియజేశారు. రాబోయే రోజుల్లో పార్టీని మరింత బలోపేతం చేసే దిశగా కృషి చేస్తామని ఆయన స్పష్టం చేశారు.
