Venkatesh | మళ్ళీ “పెళ్లి చేసుకుందాం”
Venkatesh | విక్టరీ వెంకటేష్ నటించగా ఘన విజయం సాధించిన చిత్రాల్లో “పెళ్ళి చేసుకుందాం” ఒకటి. ఇందులో వెంకీకి జంటగా అందం, అభినయాల కలబోత సౌందర్య నటించింది. సీనియర్ దర్శకులు ముత్యాల సుబ్బయ్య తెరకెక్కించిన ఈ ట్రెండ్ సెట్టింగ్ చిత్రాన్ని సి.వెంకట్రాజు, శివరాజు సంయుక్తంగా నిర్మించారు. పోసాని కృష్ణమురళి (Posani Krishna Murali) సంభాషణలు ఈ చిత్రానికి ప్రత్యేక ఆకర్షణగా నిలిచాయి. ఈ చిత్రాన్ని సాయిలక్ష్మీ ఫిలిమ్స్ పతాకంపై వరప్రసాద్ రెండు తెలుగు రాష్ట్రాల్లో 4 కె లో భారీ స్థాయిలో విడుదల చేస్తున్నారు.
ఈ సందర్భంగా ఆయన మాట్లాడుతూ…“సంక్రాంతికి వస్తున్నాం” (“sankranti ki vastunnam”) చిత్రంతో తెలుగులో 300 కోట్ల క్లబ్బు ఫౌండర్ హీరోగా చరిత్ర సృష్టించిన వెంకటేష్ బాబు నటించిన ఆణిముత్యాల్లో ఒకటైన “పెళ్ళి చేసుకుందాం” చిత్రాన్ని 4 కె రిజల్యూషన్ లో డిసెంబర్ 13న ప్రేక్షకుల ముందుకు ఫ్రెష్ గా తీసుకువస్తున్నాం. ఈ అవకాశం లభించడం గర్వంగా ఉంది. మన రెండు రాష్ట్రాల్లో ఉన్న విక్టరీ ఫ్యాన్స్ తో పాటు సిసలైన సినీ ప్రేమికులంతా పెళ్ళి చేసుకుందాం చిత్రాన్ని ఆదరిస్తారనే నమ్మకం ఉంది. మూడేళ్ల పాటు ఈ చిత్రం హక్కుల్ని మేము కలిగి ఉన్నామని అన్నారు.
