8 years | మార్మోగిన శివాలయాలు…
8 years | మార్మోగిన శివాలయాలు…
8 years | నందికొట్కూర్, ఆంధ్రప్రభ : ఆలయాల ఖిల్లాగా పేరుగాంచిన ఉమ్మడి కర్నూలు జిల్లాలో శైవక్షేత్రాల్లో అతి పురాతనమైన ఆలయం నందికొట్కూరు పట్టణంలోని ఉమా రామలింగేశ్వర స్వామి ఆలయం.ఈ శివాలయానికి దాదాపు తొమ్మిది వందల సంవత్సరాల చరిత్ర కలిగి వుండటం విశేషం. గర్భగుడిపై నాగబంధం ఉండటం ఈ ఆలయ విశిష్టత.ఈ ఆలయంలో స్వామివార్లకు జలాభిషేకం చేస్తే శ్రీ కాళహస్తిలో అభిషేకం చేయించినంత పుణ్యం లభిస్తుందని భక్తుల ప్రగాఢ నమ్మకం.
ధనార్జనే పరమావధిగా సాగుతున్న ఈ కాలంలో, సామాన్య భక్తులకు కూడా స్వామివార్ల అభిషేకం జరిపించే విధంగా ఆలయ కమిటీ వారు తమ ఔన్నత్యాన్ని చాటుకోవడం ప్రత్యేకించి కొనియాడబడే విషయం. ఈ ఆలయంలో కార్తీకమాసం, మహాశివరాత్రి సందర్భంగా స్వామివారి కళ్యాణం జరుగుతుంది. 8 సంవత్సరాల కిందట ఆలయ జీర్ణోద్ధరణ పనులు జరిగాయని, ఈ మహాశివరాత్రి పర్వదినాన్ని పురస్కరించుకొని తెల్లవారుజాము నుంచే భక్తుల అధిక సంఖ్యలో స్వామి వార్లకు దర్శించుకునేందుకు బారులు తీరారు.పంచాక్షరి మంత్ర జపంతో,శివనామ స్మరణతో ఆలయం మార్మోగింది.
లింగోద్భవ కాలంలో స్వామి వార్లకు కల్యాణ మహోత్సవం జరుగుతుండటం ,ఈ మహోత్సవానికి భక్తులు అధిక సంఖ్యలో పాల్గొని స్వామివార్ల అనుగ్రహానికి పాత్రులు కాగలరని ఆలయ కమిటీ సభ్యులు కేధరప్ప,గంగాధరప్ప తెలిపారు.
