పోటీ చేస్తారా? లేదా?
నిజాంపేట, ఆంధ్ర ప్రభ : మెదక్ జిల్లా నిజాంపేట మండల జడ్పీటీసీ(ZPTC) అభ్యర్థి రేసులో ఆశావాహులు నువ్వా నేనా అన్నట్టుగా ఉన్నారు. ప్రస్తుతం బీఆర్ఎస్ పార్టీ(BRS party) నుండి నిజాంపేట మండలం నస్కల్ గ్రామానికి చెందిన పరిపాటి అనిత సుధాకర్ రెడ్డి, కల్వకుంట నుండి అందే ఇందిరా కొండల్ రెడ్డి, నిజాంపేటకు చెందిన పప్పుల లహరి కిష్టారెడ్డి, బజార్ ప్రియాంక రంజిత్ గౌడ్‌లు ఉన్నారు.
అలాగే కాంగ్రెస్ పార్టీ(Congress Party) తరపున నార్లపూర్‌కు చెందిన రావిపల్లి ప్రభరాణి, అమర సేనా రెడ్డి, నస్కల్‌కు చెందిన బక్కన్న గారి మంజుల లింగం గౌడ్ ఉన్నారు. బీజేపీ పార్టీకి సంబంధించి బచ్చు రాజు పల్లికి చెందిన చిన్నమనైన వైష్ణవి శ్రీనివాస్, నస్కల్(Naskal)కు చెందిన తీగల జ్యోతి శ్రీనివాస్ గౌడ్‌లు నిజాంపేట మండలం జడ్పీటీసీ అభ్యర్థి రేసులో ఉన్నట్లు స్థానిక సమాచారం. ప్రముఖ సంఘ సేవకులు లీల గ్రూప్ చైర్మన్ డాక్టర్ మోహన్ నాయక్, రామాయంపేట(Ramayampeta) నుండి పోటీ చేస్తారా లేదా నిజాంపేట మండలంలో పోటీ చేస్తారా అనేది ప్రశ్నార్థకం(Questionable)గా మారింది.
