MLA | ప్ర‌తీ గింజా కొంటాం..

MLA | ప్ర‌తీ గింజా కొంటాం..

రైతులు అధైర్య ప‌డొద్దు..బాధ్య‌త నాది
గుడివాడ ఎమ్మెల్యే వెనిగండ్ల రాము

MLA | గుడ్లవల్లేరు, ఆంధ్రప్రభ : రైతన్నలకు కూటమి ప్రభుత్వం అండగా ఉంటుందని గుడివాడ ఎమ్మెల్యే (MLA) వెనిగండ్ల రాము అన్నారు. తుఫాను సమయాన రైతన్నలు ఆందోళన చెందనవసరం లేదని.. ప్రతి ధాన్యపు గింజను కొనుగోలు చేయించే బాధ్యత త‌న‌దేని ఆయన స్ప‌ష్టం చేశారు. గుడ్లవల్లేరు మండలంలోని పలు గ్రామాల్లో ఆదివారం ఎమ్మెల్యే విస్తృతంగా పర్యటించారు. వాహనాల ద్వారా రైస్ మిల్లులకు తరలిస్తున్న ధాన్యపు రాశులను ఆయన పరిశీలించారు. మండలంలోని పెంజేండ్ర, డోకిపర్రు పరిసర గ్రామాల్లోని రైతులతో ఆయన ముఖాముఖిగా మాట్లాడారు. ఎమ్మెల్యే పర్యటనలో కృష్ణ, పశ్చిమగోదావరి, తూర్పుగోదావరి జిల్లాలకు చెందిన పలువురు రైస్ మిల్లర్లు పాల్గొన్నారు.

రైతులు సమస్యలు అడిగి తెలుసుకున్న ఎమ్మెల్యే… వాటి పరిష్కారానికి చర్యలు తీసుకున్నారు. ధాన్యం (Grain) కొనుగోలు ప్రక్రియలో మిల్లర్లు సహకరించాలని ఈ సందర్భంగా ఆయ‌న విజ్ఞప్తి చేశారు. అనంతరం మాట్లాడుతూ.. రైతన్నల సంక్షేమమే ఎజెండాగా గుడివాడ నియోజకవర్గంలో ముందుకు సాగుతున్నానని పేర్కొన్నారు. తుఫాను సమీపిస్తున్న వేళ రైతులు తగు జాగ్రత్తలు తీసుకోవాలని సూచించారు. రైతులకు ఇబ్బందిగా ఉన్న లారీలకు జియో ట్యాగింగ్ ను అధికారులు తొలగించారని, అంతేకాకుండా ఇతర జిల్లాలో ధాన్యం విక్రయించుకునే వెసులుబాటు కల్పించినట్లు ఎమ్మెల్యే చెప్పారు.

ఈ పర్యటనలో గుడ్లవల్లేరు టీడీపీ అధ్యక్షుడు కోసరాజు బాబాయ్ చౌదరి, మార్కెట్ (Market) యార్డ్ చైర్మన్ పొట్లూరు రవి, జనసేన ఇన్చార్జి బూరగడ్డ శ్రీకాంత్, టీడీపీ నాయకులు పోలవరపు వెంకటరావు, నిమ్మగడ్డ సత్యసాయి, వీరమాచనేని శివప్రసాద్, చింతపల్లి శివాజీ రెడ్డి, వీరమాచనేని నాగ జయరాం, సోమగాని బుజ్జ, మహబూబ్ బేగ్, కాగిత ఏడుకొండలు, పడమట కొండ, గానం వెంకటేశ్వరరావు, పెద్ది కోటయ్య, గోట్రు బంగారి, ఇద్రీస్ బేగ్, చిలకా నాగరాజు, బొప్పన శివప్రసాద్, గూడపాటి వెంకటేశ్వరరావు, పఠాన్ జహఫురుల ఖాన్, సుభాని, షాజా, కరీం, పెనుమాక చిట్టిబాబు, రేమల్లి పెంటయ్య, గారపాటి నాగరాజు, జయప్రకాష్ పాల్గొన్నారు.

Leave a Reply