పెట్టుబడుల ప్రపంచంలో బీమాకు ప్రత్యేక స్థానం ఉంది. పూర్వంలో, చాలా మంది బీమా పాలసీని కొనుగోలు చేయడానికి ప్రధాన కారణం… పన్ను ప్రయోజనాలను పొందడమే అని భావించేవారు. అనేక సందర్భాల్లో, బీమా పన్ను ఆదా చేయడానికి ఒక సాధనంగా మాత్రమే ఉపయోగపడేది. అయితే, ఇప్పుటి కాలంలో పరిస్థితి మారింది.
ఈ రోజుల్లో, బీమా పాలసీలు సంపద సృష్టి, విస్తృత రక్షణ, పన్ను ఆదాలను అందించే మార్గంగా మారాయి. జీవిత బీమా, ఆరోగ్య బీమా, టర్మ్ బీమా, యులిప్ ప్లాన్, పెన్షన్ ప్లాన్‌లలో పన్ను ప్రయోజనాలు పొందవచ్చు.
బీమా రకాలూ & పన్ను ప్రయోజనాలు
- జీవిత బీమా
జీవిత బీమా భవిష్యత్తులో ఒక భద్రతా వలయాన్ని అందిస్తుంది. ఏదైనా అవాంఛనీయ ఘటన జరిగితే, కుటుంబం ఆర్థికంగా సురక్షితం అవుతుంది.
పన్ను ప్రయోజనం: సెక్షన్ 80C కింద, ఒక ఆర్థిక సంవత్సరంలో చెల్లించిన ప్రీమియంపై రూ.1.5 లక్షల వరకు మినహాయింపు.
మెచ్యూరిటీ/మరణం: సెక్షన్ 10(10D) కింద, మెచ్యూరిటీ మొత్తం లేదా మరణ/శాశ్వత వైకల్యం కారణంగా వచ్చే ప్రయోజనాలు పన్ను రహితం.
- యులిప్ (Unit-Linked Insurance Plan)
యులిప్ అనేది బీమా, పెట్టుబడుల కలయిక. ఇది బీమా కవర్ అందించడమే కాక, పెట్టుబడులను మార్కెట్-లింక్డ్ సాధనాల్లో పెంచుతుంది.
పన్ను ప్రయోజనం: ప్రీమియంపై సెక్షన్ 80C కింద రూ.1.5 లక్షల వరకు మినహాయింపు.
మెచ్యూరిటీ: ఫిబ్రవరి 2021 తర్వాత పాలసీ తీసుకుంటే, ప్రీమియం రూ.2.5 లక్షల కన్నా తక్కువ అయితే, మెచ్యూరిటీ ప్రయోజనాలు పన్ను రహితం.
మరణ ప్రయోజనాలు: పూర్ణంగా పన్ను రహితం.
- ఆరోగ్య బీమా
ఆరోగ్య బీమా ద్వారా కుటుంబానికి, తల్లిదండ్రులకు వైద్య రక్షణ లభిస్తుంది.
సెక్షన్ 80D: వార్షిక ప్రీమియంపై రూ.25,000 వరకు మినహాయింపు.
సీనియర్ సిటిజన్లు: 60+ వయస్సు ఉన్న వారికి మినహాయింపు రూ.50,000. 60 సంవత్సరాల కంటే ఎక్కువ వయస్సు ఉన్నవారైతే, రూ.75,000 వరకు పన్ను మిప‌హాయింపు ఉంటుంది.
శాశ్వత వైకల్యం లేదా తీవ్రమైన అనారోగ్యాల ఉన్న వారికి అదనపు మినహాయింపులు.
- టర్మ్ జీవిత బీమా
టర్మ్ బీమా కూడా సెక్షన్ 80C, 10(10D), 80D కింద పన్ను ప్రయోజనాలను అందిస్తుంది.
80C: ప్రీమియంపై రూ.1.5 లక్షల వరకు మినహాయింపు.
10(10D): మరణం సందర్భంలో బీమా మొత్తంపై పన్ను మినహాయింపు.
80D: టర్మ్ బీమాకు జతచేయబడిన ఆరోగ్య రైడర్లు, తీవ్రమైన అనారోగ్యం, ఇన్‌పేషెంట్ ట్రీట్మెంట్ కోసం రూ. 25,000 వరకు మినహాయింపు.
- పెన్షన్ ప్లాన్
పెన్షన్ ప్లాన్ స్థిరమైన మరియు భద్రతతో కూడిన పదవీ విరమణ జీవితాన్ని అందిస్తుంది.
సెక్షన్ 80CCC: పెన్షన్ ప్లాన్ ప్రీమియంపై సంవత్సరానికి రూ. 1.5 లక్షల వరకు మినహాయింపు.
80CCD(1B): నేషనల్ పెన్షన్ స్కీమ్ (NPS) ద్వారా అదనంగా రూ. 50,000 మినహాయింపు.
సెక్షన్లు 80CCC & 80CCD పెన్షన్ పథకాలలో చేసిన పెట్టుబడులపై పన్ను మినహాయింపులను అనుమతిస్తాయి. అయితే, సెక్షన్లు 80C, 80CCC, 80CCD(1) కింద మొత్తం మినహాయింపులు ఒక ఆర్థిక సంవత్సరం లో రూ. 1.5 లక్షల వరకు మాత్రమే పొందవచ్చు.
అందువల్ల, సాధారణ పెన్షన్ ప్లాన్‌లలో పెట్టుబడులు చేయగా, మొత్తం మినహాయింపు పరిమితిని దాటవద్దు. కానీ, నేషనల్ పెన్షన్ స్కీమ్ (NPS)లో, సెక్షన్ 80CCD(1B) కింద అదనంగా రూ. 50,000 మినహాయింపుకు అర్హత ఉంటుంది.
ఈ బీమా పాలసీలు కేవలం భద్రత కలిగించడమే కాదు, పన్ను ఆదా, పెట్టుబడి, ఆరోగ్య రక్షణ & స్థిరమైన రాబడిని కూడా అందిస్తాయి. తెలివిగా ఈ పథకాలలో పెట్టుబడి పెట్టడం ద్వారా ఆర్థిక భద్రతతో పాటు పన్ను ప్రయోజనాలను కూడా పొందవచ్చు.
- K. V. సనిల్ కుమార్, అసోసియేట్ డైరెక్టర్, జియోజిత్ ఫైనాన్షియల్ సర్వీసెస్ లిమిటెడ్.
