Vote | ఆశీర్వదించండి.. అభివృద్ధి చేస్తా..

Vote | నల్లబెల్లి, ఆంధ్రప్రభ : బజ్జు తండా గ్రామ ప్రజలు లేడీ పర్సు గుర్తుకే ఓటు వేసి తనను ఆశీర్వదించి సర్పంచిగా గెలిపిస్తే బజ్జు తండా గ్రామాన్ని నర్సంపేట ఎమ్మెల్యే దొంతి మాధవరెడ్డి ఆశీస్సులతో తండకు ప్రభుత్వ నిధులతో అభివృద్ధి పథంలో నడిపిస్తానని కాంగ్రెస్ సర్పంచ్ అభ్యర్థి, నునావత్ కాసిం ప్రజలకు హామీ ఇచ్చారు. గ్రామంలో కార్యకర్తలతో కలిసి ఇంటింటి ప్రచార నిర్వహించారు. ఈ సందర్భంగా సర్పంచ్ అభ్యర్థి మాట్లాడుతూ.. ప్రస్తుతం తెలంగాణ రాష్ట్రంలో జరుగుతున్న రెండవ సాధారణ గ్రామపంచాయతీ ఎన్నికలలో దొంతి మాధవ రెడ్డి ఆశీస్సులతో బజ్జు తండా గ్రామపంచాయతీ సర్పంచ్ అభ్యర్థిగా నునావత్ కాసిం పోటీ చేయడం జరుగుతుంది. గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడతారని,గ్రామంలో మిగిలిపోయిన సీసీ రోడ్లు డ్రైనేజీ పనులను,అర్హులైన వారికి పెన్షన్స్ ఇందిరమ్మ ఇళ్లను ఇప్పించేందుకు తాను సిద్ధంగా ఉన్నానని తెలిపారు. గ్రామంలోని సమస్యలను తీర్చేందుకు అధికారులతో సమన్వయం చేసుకొని గ్రామాన్ని అభివృద్ధి పథం వైపు నడిపించేందుకు సిద్ధంగా ఉన్నట్లు తెలిపారు.