ఆంధ్రప్రభ, తనకల్లు (శ్రీ సత్య సాయి జిల్లా) : శ్రీ సత్య సాయి జిల్లాలో విషాదకర ఘటన చోటుచేసుకుంది. కదిరి నియోజకవర్గంలోని తనకల్లు మండలం ఉస్తినపల్లి గ్రామానికి చెందిన చందు (26) విద్యుత్ షాక్‌కు గురై.. స్థంభంపైనే ప్రాణాలు వదిలేశాడు.
స్థానికుల ప్రకారం, మండలంలోని అరుణమ్మ తోట సమీపంలోని విద్యుత్ స్తంభంపై మరమ్మత్తు పనులు చేస్తుండగా ఈ ప్రమాదం జరిగింది. మృతుడు చందు లైన్మెన్ షఫీ వద్ద కాంట్రాక్టు ఉద్యోగిగా పనిచేస్తున్నట్లు సమాచారం. ఈ ఘటనపై తనకల్లు ఎస్ఐ గోపి కేసు దర్యాప్తు చేపట్టారు.
