ఉమ్మడి మహబూబ్‌నగర్‌ బ్యూరో, ఆంధ్రప్రభ : అలంపూర్‌ చౌరస్తాలోని వంద పడకల ఆసుపత్రి ఆవరణలో పెద్ద కొండచిలువ ప్రత్యక్షమైంది. దీంతో ఆసుపత్రి సిబ్బంది, రోగులు భయాందోళనకు గురయ్యారు.
శుక్రవారం రాత్రి 9 గంటల ప్రాంతంలో కొండచిలువ ఆసుపత్రి ఆవరణలోకి వస్తుండగా, స్థానికులు, సిబ్బంది గమనించి వెంటనే పోలీసులకు సమాచారం ఇచ్చారు.
ఆసుపత్రి ఆవరణ పరిసరాలలో సరైన లైట్లు లేకపోవడంపై సిబ్బంది ఆవేదన వ్యక్తం చేస్తున్నారు. సంబంధిత అధికారులు ఈ సమస్యను పట్టించుకోవడంలేదని పేర్కొన్నారు. ఈ కొండచిలువ ఆసుపత్రి ఆవరణలోకి రావడం సిబ్బందిని, రోగులను భయభ్రాంతులకు గురిచేసింది.
