Tekumatla | ఒక్కసారి అవకాశం కల్పిస్తే..

Tekumatla | ఒక్కసారి అవకాశం కల్పిస్తే..

Tekumatla, జైపూర్, ఆంధ్రప్రభ : జైపూర్ మండలం టేకుమాట్ల గ్రామం బీఆర్ఎస్ పార్టీ బలపరిచిన సర్పంచ్ అభ్యర్థి భాస్కర్ల శ్రీకాంత్ ఒక్కసారి అవకాశం కల్పిస్తే.. గ్రామాన్ని అభివృద్ధి పథంలో ముందుకు తీసుకెళ్తానంటూ ప్రచారాన్ని ముమ్మరం చేశారు. గడప గడపకు ప్రచారం చేస్తూ గతంలో బీఆర్ఎస్ ప్రభుత్వం చేసిన అభివృద్ధి పనులకు సంబంధించి ఓటర్లకు వివరించారు. ఫుట్ బాల్ గుర్తుకు ఓటు వేసి భారీ మెజార్టీతో గెలిపించాలని ఓటర్లను అభ్యర్థిస్తూ ప్రచారంలో దూసుకెళుతున్నారు.

ఈ ప్రచార కార్యక్రమంలో భాస్కర్ల శ్రీకాంత్ కు గ్రామ ఓటర్లు అడుగడుగునా నీరాజనం పలుకుతూ విజయం నీదేనంటూ దీవెనలు ఇస్తున్నారు. బీసీ వర్గానికి చెందిన విద్యావంతుడిగా.. గ్రామ సమస్యల పట్ల అవగాహన ఉన్న వ్యక్తిగా.. తనని సర్పంచ్ గా గెలిపిస్తే అభివృద్ది చేస్తాను అంటున్నారు. ప్రజలకు కావాల్సిన మౌలిక సదుపాయాల పట్ల ప్రత్యేక శ్రద్ధ కనబరిచి, గ్రామంలో మురికి కాల్వల, సీసీ రోడ్ల నిర్మాణాలను పూర్తి చేస్తానని.. టేకుమాట్ల గ్రామాన్ని అభివృద్ధి పథంలో ముందుకు తీసుకెళతానని ఓటర్లకు హామీ ఇస్తున్నారు.