గిన్నిస్ వరల్డ్ రికార్డ్‌ను నెలకొల్పిన ఎస్ఎంఎఫ్ జీ ఇండియా క్రెడిట్
హైద‌రాబాద్, (ఆంధ్ర‌ప్ర‌భ) : భారతదేశంలోని 6 వేదికల్లో 517 మంది అభ్యర్థులు పాల్గొనగా అతిపెద్ద పశువుల సంక్షేమ పాఠం (బహుళ వేదికలు) కోసం ఎస్ఎంఎఫ్ జీ ఇండియా క్రెడిట్ గిన్నిస్ వరల్డ్ రికార్డ్‌ను సాధించడం ద్వారా చరిత్ర సృష్టించింది. కంపెనీ 7వ ఎడిషన్ పశు వికాస్ డే (పీవీడీ)లో భాగంగా దేశవ్యాప్తంగా నిర్వహించిన అతిపెద్ద ఒకరోజు పశువుల సంరక్షణ శిబిరాలు ద్వారా ఈ మైలురాయిని సాధించారు. ఈ శిబిరాలు 16 రాష్ట్రాలలోని 500 ప్రదేశాలలో ఏకకాలంలో నిర్వహించబడ్డాయి, దీనిద్వారా దాదాపు 1,90,000 మంది లబ్ధిదారులు (1,50,000 పశువులు, 40,000 పశువుల యజమానులు) ప్రయోజనం పొందారు.
ఈ సంద‌ర్భంగా ఎస్ఎంఎఫ్ జీ ఇండియా క్రెడిట్ చీఫ్ ఎగ్జిక్యూటివ్ ఆఫీసర్, మేనేజింగ్ డైరెక్టర్ శంతను మిత్రా మాట్లాడుతూ…ఎస్ఎంఎఫ్ జీ ఇండియా క్రెడిట్ వద్ద, అర్థవంతమైన ప్రభావాన్ని సృష్టించే సామాజిక కార్యక్రమాలను ప్రోత్సహించడం పట్ల తాము స్థిరంగా త‌మ నిబద్ధత వెల్లడిస్తున్నామన్నారు. భారతదేశ వ్యాప్తంగా 1000కు పైగా శాఖల నిర్వహణతో త‌మ ప్రాథమిక దృష్టి టైర్-2 ప్ల‌స్ ప్రాంతాలపై నిలిచిందన్నారు. త‌మ శాఖల్లో దాదాపు 90శాతం ఈ ప్రాంతాల్లో వ్యూహాత్మకంగా ఏర్పాటు చేయబడ్డాయన్నారు. వాస్తవానికి, గత రెండు సంవత్సరాలలో తాము దాదాపు 300 శాఖలను జోడించామన్నారు. అన్నీ టైర్-2 ప్ల‌స్ భౌగోళిక ప్రాంతాల్లో ఉన్నాయన్నారు.
ఎస్ఎంఎఫ్ జీ ఇండియా క్రెడిట్ చీఫ్ ఆపరేటింగ్ ఆఫీసర్ స్వామినాథన్ సుబ్రమణియన్ మాట్లాడుతూ… బహుళ వేదికల్లో అతిపెద్ద పశువుల సంక్షేమ పాఠాన్ని నిర్వహించినందుకు గిన్నిస్ వరల్డ్ రికార్డ్స్ నుండి అందుకున్న గుర్తింపు ఎస్ఎంఎఫ్ జీ ఇండియా క్రెడిట్‌లోని ప్రతి ఒక్కరికీ గర్వించదగ్గ, నిర్వచించదగిన క్షణమ‌న్నారు. ఒక కంపెనీగా తాము అంతర్జాతీయ స్థాయిలో చరిత్ర పుస్తకాల్లో త‌మ పేరును లిఖించుకున్నామన్నారు.
