ఆరుగురు అరెస్టు
- మరో ఇద్దరి కోసం జల్లెడ
- పాడేరు నుంచి కిలోల్లో దిగుమతి
- పొట్లం రూ.500లకు అమ్మకం
గుంటూరు /మంగళగిరి, ఆంధ్రప్రభ : యువకులు, విద్యార్థులను లక్ష్యంగా చేసుకుని గంజాయి(Marijuana) విక్రయ కార్యకలాపాలు సాగిస్తున్న ముఠాను మంగళగిరి గ్రామీణ పోలీసులు అరెస్టు చేశారు.. ఈ సందర్భంగా ఆరుగురు నిందితులను అరెస్ట్‌(arrest) చేసి, రెండు కిలోల గంజాయిని స్వాధీనం చేసుకున్నారు. మంగళగిరి(Mangalagiri) గ్రామీణ పోలీస్‌స్టేషన్‌లో మారక ద్రవ్యాల నిరోధక చట్టం కింద కేసు నమోదు చేసి దర్యాప్తు ను ప్రారంభించారు.
ఆదివారం మంగళగిరి గ్రామీణ పోలీస్ సర్కిల్(police circle) అధికారి కార్యాలయంలో ఈ మేరకు విలేకరులకు పోలీసులు వివరాలు వెల్లడించారు. మంగళగిరి గ్రామీణ సిఐ వై శ్రీనివాసరావు(Y Srinivasa Rao, ఎస్ఐ చిరుమామిళ్ల వెంకట్ మీడియాతో మాట్లాడుతూ, బేతపూడి గ్రామానికి చెందిన బేతపూడి చందు(Betapudi Chandu),, పెద్దవడ్లపూడికి చెందిన జొన్నలగడ్డ ఆనంద్‌, మంగళగిరి బాప్టిస్ట్‌ పేటకు చెందిన బుల్లా రవి, ఆత్మకూరు గ్రామానికి చెందిన కొండిటి తేజ, మంగళగిరి టిప్పర్ల బజార్‌కు చెందిన కంచర్ల చైతన్య, నిడమర్రు గ్రామానికి చెందిన దూరు లక్ష్మణరావును పోలీసులు అరెస్టు చేశారు.
మరో ఇద్దరు నిందితులు నవులూరు గ్రామానికి చెందిన సత్విక్, నిడమర్రుకు చెందిన నగేష్(Nagesh) పరారీలో ఉన్నారు. ఈ కేసులో దొరికిన నిందితులు అందరూ 25 సంవత్సరాల లోపు యువకుల కావడం గమనార్హం. ప్రధాన నిందితులు విశాఖపట్నం(Visakhapatnam) జిల్లా పాడేరు కొండ ప్రాంతంలో గుర్తు తెలియని వ్యక్తుల వద్ద నుండి కిలోకు గంజాయి ఐదు వేలకు కొనుగోలు చేసి చిన్నచిన్న పొట్లాలుగా మార్చి ఒక్కొక్క పొట్లాను ఐదు వందల రూపాయలకు అమ్ముతున్నారు.
యువకులు, విద్యార్థులే వీరికి ప్రధాన కొనుగోలుదారులని, వీరిని ఆకర్షించడానికి సామాజిక మాధ్యమాల ద్వారా పరిచయాలు పెంచుకున్నారని విచారణలో తేలింది ఇటీవల పాడేరు ప్రాంతం(Paderu area) నుంచి తీసుకువచ్చిన రెండు కిలోల గంజాయిని మంగళగిరి అంతర్జాతీయ క్రీడా మైదానం(sports ground సమీపంలో పంపిణీ చేయడానికి సిద్ధమవుతుండగా పోలీసులు అదుపులోకి తీసుకున్నారు. ఈ కేసు దర్యాప్తులో సీఐ, ఎస్ఐ లతోపాటు సిబ్బంది ఏఎస్ఐ రమేష్(ASI Ramesh), హెడ్ కానిస్టేబుల్ అంకమ్మరావు, కానిస్టేబుల్ లు రాము, సాగర్ బాబు మంచి పనితీరును ప్రదర్శించినట్లు అధికారులు తెలిపారు.
