న‌ట‌సింహా నంద‌మూరి బాల‌కృష్ణ- బోయ‌పాటి కాంబినేష‌న్ లో వ‌చ్చిన బ్లాక్ బస్ట‌ర్ మూవీ అఖండ‌కు పార్ట్ 2 తెర‌కెక్కుతున్న సంగ‌తి తెలిసిందే. ఈ సీక్వెల్ సినిమాతో బాల‌య్య న‌ట‌విశ్వ‌రూపాన్ని మ‌రోసారి అభిమానులు చూడ‌బోతున్నారు. రొమాన్స్ పార్ట్ కోసం గ్లామ‌ర‌స్ క‌థానాయిక‌ల్ని ఎంపిక చేసుకున్నా కానీ, ఐట‌మ్ పాట‌తో మ‌రింత కిక్కు పెంచాల‌ని కూడా ప్లాన్ చేస్తున్న‌ట్టు తెలిసింది. ఇప్ప‌టికే ఐట‌మ్ భామ‌ను ఫైనల్ చేసేందుకు బోయ‌పాటి సీరియ‌స్‌గా ప్ర‌య‌త్నిస్తున్నారు.
మ‌ల‌యాళ బ్యూటీ సంయుక్త మీన‌న్‌ను ఐట‌మ్ పాట కోసం ఒప్పించేందుకు ప్ర‌య‌త్నిస్తున్న‌ట్టు తెలిసింది. సంయుక్త ఇప్ప‌టివ‌ర‌కూ మ‌ల‌యాళం, తెలుగులో అగ్ర హీరోల స‌ర‌స‌న భారీ చిత్రాల్లో న‌టించింది. త‌న‌దైన అందం, న‌ట ప్ర‌తిభ‌తో మైమ‌రిపించింది. అయితే సంయుక్త రూపం ట్రెడిష‌న‌ల్ అప్పియరెన్స్ కి ప్ర‌త్యేకించి ఫాలోయింగ్ ఉంది. ఇప్పుడు త‌న ఇమేజ్‌ని బ్రేక్ చేసి సంయుక్త ఐట‌మ్ పాట‌లో న‌ర్తిస్తుందా? అన్న‌ది ఆస‌క్తిగా మారింది. బాల‌య్య సినిమాలో ప్ర‌త్యేక గీతానికి ఓకే చెబుతుందా? అన్న‌ది వేచి చూడాలి. ఒక‌వేళ అంగీక‌రిస్తే, ఆ త‌ర్వాత సంయుక్త‌కు ఈ త‌ర‌హా గ్లామ‌ర్ ఎలివేష‌న్ ఉన్న సినిమాల్లోను అవ‌కాశాలు పెరిగే ఛాన్సుంది.
