ఆంధ్ర‌ప్ర‌భ వెబ్ డెస్క్ : రెబల్ స్టార్ ప్రభాస్ (Rebel Star Prabhas) హీరోగా మారుతి దర్శకత్వంలో తెరకెక్కుతున్న సినిమా ‘ది రాజా సాబ్’ (The Raja Saab)రిలీజ్ డేట్ స్ప‌ష్ట‌త వ‌చ్చేసింది. తాజాగా హైదరాబాద్(Hyderabad)లో ప్రసాద్ మల్టిప్లెక్స్ (Prasad Multiplex)లో జరిగిన మిరాయ్ ట్రైలర్ లాంచ్ ఈవెంట్ లో నిర్మాత విశ్వప్రసాద్ (Producer Vishwa Prasad) మాట్లాడుతూ’ రాజాసాబ్ జనవరి 9 న సంక్రాంతి (Sankranthi) కానుకగా రిలీజ్ చేస్తున్నామన్నారు. వాస్తవానికి ఈ సినిమా డిసెంబర్ 5 న విడుదల కావాల్సిఉంది. కానీ షూటింగ్స్ (Shootings) బంద్ తో పాటు ఇతర కారణాల వలన డిసెంబరు నుండి తప్పుకుని సంక్రాంతి రేస్ లో నిలిచింది. కాగా ఈ సినిమాలోని సాంగ్స్ షూట్ పెండింగ్ ఉంది. VFX విషయంలో ఎక్కడ కంప్రమైజ్ కాకుండా హై క్వాలితో తెరకెక్కిస్తున్నారు.అయితే వచ్చే ఏడాది సంక్రాంతికి ఇప్పటికే చాలా సినిమాలు కర్చీఫ్ వేసుకుని ఉన్నాయి. రాజాసాబ్ సంక్రాంతి రాకతో ఈ సారి సంక్రాంతి పోటీ మరింత రసవత్తరంగా ఉండబోతుంది.
హార్రర్‌, కామెడీ, రొమాంటిక్ కథాంశంతో..
మారుతి దర్శకత్వంలో తెరకెక్కుతున్న ‘ది రాజా సాబ్’ సినిమా హార్రర్‌, కామెడీ, రొమాంటిక్ (Horror, Comedy, Romantic) కథాంశంతో వ‌స్తోంది. ఈ సినిమాలో నిధి అగర్వాల్, మాళవిక మోహనన్, రిధిలు హీరోయిన్లుగా నటిస్తున్నారు. ఈ చిత్రంలో బాలీవుడ్ (Bollywood) నటుడు సంజయ్ దత్ (Sanjay Dutt) విలన్‌గా నటిస్తున్నారు. థమన్ (Thaman) సంగీతం అందిస్తున్న ఈ సినిమాను పీపుల్స్ మీడియా ఫ్యాక్టరి బ్యానర్ పై విశ్వప్రసాద్ నిర్మిస్తున్నారు. ఇటీవల రిలీజ్ చేసిన రాజాసాబ్ ఫస్ట్ గ్లిమ్స్ కు భారీ స్పందన వచ్చింది.
