మ‌రో వారం రోజులు…

ఆంధ్ర‌ప్ర‌భ వెబ్ డెస్క్ : తెలంగాణ (Telangana)లో విస్తారంగా వ‌ర్షాలు కురుస్తున్నాయి. అల్పపీడన ప్రాంతం బలహీన పడి ఉపరితల ఆవర్తనంగా మార‌డంతో మరో వారం రోజుల పాటు వర్షాలు (rains) కురిసే అవకాశం ఉందని వాతావరణ శాఖ (Meteorological Department) తెలిపింది. తెలంగాణకు ఆనుకొని తూర్పు విదర్భ ప్రాంతంలో కేంద్రీకృతమైందని.. దీంతో తెలంగాణలో విస్తారంగా వర్షాలు కురుస్తాయని చెప్పింది

ఇవాళ (సెప్టెంబర్ 15న) 21 జిల్లాలకు భారీ వర్ష సూచన చేసింది. ఆదిలాబాద్ (Adilabad), కొమరం భీం ఆసిఫాబాద్, నిర్మల్, నిజామాబాద్, కామారెడ్డి, సంగారెడ్డి, మెదక్, వికారాబాద్, మహబూబ్ నగర్, హైదరాబాద్ (Hyderabad), మేడ్చల్ మల్కాజిగిరి, యాదాద్రి భువనగిరి, సిద్దిపేట, పెద్దపల్లి, జనగాం, హనుమకొండ, వరంగల్, ఖమ్మం, భద్రాద్రి కొత్తగూడెం, ములుగు, జయశంకర్ భూపాలపల్లి జిల్లాలకు ఎల్లో అలర్ట్ జారీ చేసింది. మిగతా జిల్లాలో మోస్త‌రు వర్షాలు కురిసే అవకాశం ఉంది. రేపు (సెప్టెంబర్ 16న) ఆదిలాబాద్, నిర్మల్, నిజామాబాద్, కామారెడ్డి, మెదక్, సంగారెడ్డి, వికారాబాద్, మహబూబ్ నగర్, నారాయణ్ పేట్ జిల్లాల్లో భారీ వర్షాలు కురిసే అవకాశం ఉందని యెల్లో అలర్ట్స్ జారీ చేసింది. మిగతా అన్ని జిల్లాల్లో తేలికపాటి నుంచి ఒక మోస్తరు వర్షాలు కురిసే అవకాశం ఉందని తెలిపింది.