Nagayalanka | పంచాయతీ భవనానికి శంకుస్థాపన
Nagayalanka | నాగాయలంక, ఆంధ్రప్రభ : వక్కపట్ల వారిపాలెంలో ఉపాధి నిధులు రూ.7లక్షలు, ఆర్‌జీఎస్ఏ నిధులు రూ.25లక్షలు వెరశి రూ.32 లక్షలతో నూతనంగా నిర్మించే పంచాయతీ భవనానికి (Panchayat building) బుధవారం సర్పంచి అంబటి శ్యామ్ ప్రసాద్ తో కలసి ఎమ్మెల్యే మండలి బుద్ధ ప్రసాద్ (Mandali Buddha Prasad) శంకుస్థాపన చేశారు.
అంబటి అచ్చమ్మ (Ambati Achamma) వితరణ చేసిన 7సెంట్లు స్థలంలో నూతన గ్రామ పంచాయతీ కార్యాలయానికి భూమిపూజ చేశారు. ఈ కార్యక్రమంలో మాజీ ఎమ్మెల్యే అంబటి శ్రీహరిప్రసాద్, డీసీ ఛైర్మన్ బండ్రెడ్డి నాగ మల్లికార్జునరావు, ఉప సర్పంచి తలశిల వెంకట నరసింహారావు, తహసీల్దార్ వీరాంజనేయ ప్రసాద్, ఎంపిడిఓ చంద్రశేఖర్ తో పాటు, ప్రజాప్రతినిధులు, అధికారులు, కూటమి నేతలు, గ్రామస్థులు పాల్గొన్నారు.
