Mahesh Babu | వారణాసి రిలీజ్ డేట్ ఫిక్స్ అయ్యిందా..?

Praneeth Kumar January 6, 2026 dilraju, director, maheshbabu, New movie, prabhanews.com, rajamouli

Mahesh Babu, ఆంధ్రప్రభ వెబ్ డెస్క్ : సూపర్ స్టార్ మహేష్ బాబు, దర్శకధీరుడు రాజమౌళి.. ఈ క్రేజీ కాంబోలో రూపొందుతోన్న పాన్ వరల్డ్ మూవీ వారణాసి. ఈ సినిమా అనౌన్స్ చేసినప్పటి నుంచి ఎక్స్ పెక్టేషన్స్ ఓ లెవల్లో ఉన్నాయి. ఇక ఈ సినిమా (Movie) టైటిల్ అండ్ గ్లింప్స్ రిలీజ్ చేసిన తర్వాత అంచనాలు ఆకాశంలో ఉన్నాయి. అయితే.. ఈ సినిమా ఎప్పుడు రిలీజ్ చేస్తారో అఫిషియల్ గా అనౌన్స్ చేయలేదు. ఇప్పుడు రిలీజ్ డేట్ ఫిక్స్ అంటూ న్యూస్ లీకైంది. ఇది నిజమో కాదో తెలియదు కానీ.. వార్త మాత్రం వైరల్ అయ్యింది. ఇంతకీ.. వారణాసి వచ్చేది ఎప్పుడు..?

మహేష్‌, రాజమౌళి కాంబినేషన్లో మూవీని ఎప్పటి నుంచో తీయాలి అనుకుంటున్నారు దుర్గా ఆర్ట్స్ అధినేత డా.కెల్. నారాయణ. అది ఇప్పుడు నెరవేరుతుంది. రాజమౌళి ఎప్పుడో ఇచ్చిన మాట ప్రకారం.. ఈ సంస్థకు సినిమా చేస్తుండడం విశేషం. ఇందులో కథానాయికగా బాలీవుడ్ అండ్ హాలీవుడ్ (Hollywood) బ్యూటీ ప్రియంకా చోప్రా నటిస్తుంటే.. విలన్ గా మలయాళ స్టార్ పృథ్వీరాజ్ సుకుమారన్ నటిస్తున్నారు. ఈ క్రేజీ పాన్ వరల్డ్ మూవీకి పాన్ ఇండియా స్టార్ రైటర్ విజయేంద్రప్రసాద్ కథ అందించగా, ఆస్కార్ అవార్డ్ విన్నర్ కీరవాణి సంగీతం అందిస్తున్నారు. డివోషనల్ టచ్ తో.. హాలీవుడ్ రేంజ్ లో రాజమౌళి ఈ సినిమాని దాదాపు 1300 కోట్ల భారీ బడ్జెట్ తో రూపొందస్తున్నారు. ?

ఈ సినిమా రిలీజ్ డేట్ ప్రకటించకపోయినా 2027లో వస్తుందని ఇంత వరకు ప్రచారం జరిగింది. ఇప్పుడు రిలీజ్ డేట్ (Release Date) ఫిక్స్ అయ్యిందని… 2027లో ఏప్రిల్ 9న ఈ సినిమాను వరల్డ్ వైడ్ గా రిలీజ్ చేసేందుకు ప్లాన్ చేస్తున్నారని టాక్ బలంగా వినిపిస్తోంది. అంతే కాదు.. ఇంత వరకు తెలుగు సినిమానే కాదు.. ఏ ఇండియన్ సినిమా రిలీజ్ చేయని విధంగా కనీవినీ ఎరుగని విధంగా భారీగా విడుదల చేయడానికి ప్లాన్ చేస్తున్నారని తెలిసింది. అయితే.. ఇది నిజమో కాదో తెలియదు కానీ.. సోషల్ మీడియాలో మాత్రం ఈ వార్త ఊపేస్తుంది. జక్కన్న మాత్రం సైలెంటుగా షూటింగ్ చేస్తున్నారు. మరి.. ప్రచారంలో ఉన్న ఈ వార్త పై క్లారిటీ ఇస్తారేమో చూడాలి.