Tdp| కర్నూలు పార్లమెంట్ రాజకీయ యుద్ధరంగం..
Tdp| కర్నూలు పార్లమెంట్ రాజకీయ యుద్ధరంగం..
. కమిటీ కాదు.. సామాజిక యుద్ధ వ్యూహం..
. కర్నూలు జిల్లా టీడీపీ నూతన పార్లమెంట్ కమిటీ..
Tdp| కర్నూలు బ్యూరో, ఆంధ్రప్రభ : కర్నూలు పార్లమెంట్ నియోజక వర్గంలో తాజాగా ప్రకటించిన పార్టీ కమిటీని సాధారణ పదవుల జాబితాగా చూడటం రాజకీయ అవగాహన లోపమే. ఇది కేవలం నాయకుల ఎంపిక కాదు.. రానున్న ఎన్నికలకు రూపొందించిన సూక్ష్మ సామాజిక సమీకరణ మ్యాప్. ఈ కమిటీ ద్వారా పార్టీ ఒక విషయాన్ని స్పష్టంగా చెప్పింది. కర్నూలులో రాజకీయం ఇక ఎలైట్ క్లబ్ కాదు.. సామాజిక వర్గాల యుద్ధరంగం.. అంతర్గత సమీకరణాలు.. ఎవరి కోసమో కాదు, ఎవరిని ఎదుర్కోవాలో స్పష్టం.
- అధ్యక్ష పదవి – బీసీ రాజకీయాల సెంటర్ ఆఫ్ గ్రావిటీనీ పరిశీలిస్తే.. గుడిసె కృష్ణమ్మను అధ్యక్షురాలిగా నియమించడం వెనుక మూడు స్పష్టమైన లక్ష్యాలు కనిపిస్తున్నాయి. ఇందులో ఒకటి వాల్మీకి, బోయ వర్గం.. కర్నూలు పార్లమెంట్లో కీలక ఓటు బ్యాంక్..
- మహిళా నాయకత్వం.. గ్రామీణ స్థాయిలో నేరుగా ప్రభావం..
- ఆమెది ఆదోని.. సరిహద్దు, మైనారిటీ.. బీసీ మిశ్రమ నియోజకవర్గం. ఇది వ్యక్తి ఎంపిక కాదు.. వర్గ ఎంపిక.. ఇక ప్రధాన కార్యదర్శి, ఉపాధ్యక్షులు.. “బ్యాలెన్స్ ఆఫ్ పవర్” ఫార్ములా.. పూల నాగరాజు యాదవ్ (యాదవ వర్గం) ప్రధాన కార్యదర్శిగా రావడం ద్వారా బోయ, యాదవ, కురువ, దళిత, మైనారిటీ వర్గాల మధ్య సమతుల్యత.. ఒకే వర్గం ఆధిపత్యానికి చెక్ పలకడంలో భాగంగానే ఉపాధ్యక్షుల జాబితా చూస్తే.. స్పష్టమవుతుంది. ఇదే కాకుండా ప్రతి అసెంబ్లీ నియోజకవర్గం ఒక పవర్ సెంటర్. ఇది పార్టీ లోపలి అసంతృప్తిని ముందే కట్ చేసే వ్యూహం.
- మహిళలు, మైనారిటీలు.. డమ్మీ పదవులు కాదు.. ఆపరేషన్ టీమ్ సంఘటనా కార్యదర్శులు, అధికార ప్రతినిధులు, కార్యదర్శులలో మహిళలు, ముస్లిం మైనారిటీలు ఎస్సీ వర్గాలు వారిని “డెకరేషన్”గా కాకుండా ఫీల్డ్ ఆపరేషన్ స్థాయిలో ఉంచడం.. ఈ కమిటీ ప్రత్యేకత.
ఇది ఎన్నికల ముందు మాత్రమే కనిపించే సౌందర్య రాజకీయాలు కాదు.. ప్రత్యర్థి పార్టీలతో పోలిక, ఇక్కడే అసలు రాజకీయ తేడా. వైసీపీ మోడల్ వర్సెస్ ఈ కమిటీ అంశం, వైసీపీ తాజా కమిటీ నాయకత్వ శైలి.. టాప్ టు బాటమ్, బాటమ్ టు టాప్.. సామాజిక సమీకరణ ఒక వర్గ ఆధిపత్యం. బహుళ వర్గ సమతుల్యం మహి ళలకు పాత్ర సంక్షేమ ముఖచిత్రం. రాజకీయ బాధ్యత మైనారిటీలు ఓటు బ్యాంక్ ఆర్గనైజింగ్ శక్తి.. ఇక్కడ వైసీపీ ఇప్పటికీ పాలన–సంక్షేమ నినాదాలకే పరిమితం. టీడీపీ పార్టీ మాత్రం సామాజిక అసంతృప్తిని రాజకీయ ఇంధనంగా మార్చే ప్రయత్నం చేస్తోంది. ఇక బీజేపీ పరిస్థితి.. కర్నూలులో అస్తిత్వ పోరాటం బీజేపీకి కర్నూలులోబలమైన స్థానిక నాయకత్వం లేదు. కుల సమీకరణలో స్పష్టత లేదు. గ్రామీణ స్థాయిలో క్యాడర్ బలహీనంగా ఉంది. ఈ కమిటీ బీజేపీ రాజకీయ స్థలాన్ని కూడా నెమ్మదిగా కబ్జా చేసే వ్యూహంగా మారుతోంది. లోపల ఉన్న ముప్పు.. ఇదే అసలు పరీక్ష అయితే.. ఈ కమిటీ ముందున్న అసలు ప్రశ్నను సంధిస్తే.. ఇన్ని వర్గాలు… ఇన్ని పవర్ సెంటర్లు… అందరినీ ఒకే దిశలో నడిపించగలరా?ఇది సాధ్యమైతే – కర్నూలు, పార్లమెంట్లో రాజకీయ సమీకరణ పూర్తిగా తలకిందులవుతుంది.
విఫలమైతే ఇదే కమిటీ అంతర్గత ఘర్షణల వేదికగా మారే ప్రమాదం ఉంది. ఇది పేర్ల జాబితా కాదు. ఇది ఎన్నికల మేనిఫెస్టోకు ముందే ప్రకటించిన సామాజిక ప్రకటన. ప్రత్యర్థుల బలహీనతల పై చేసిన ఖచ్చితమైన రాజకీయ శస్త్రచికిత్స. కర్నూలు పార్లమెంట్లోఈ కమిటీ పని చేస్తే చరిత్ర మారుతుంది. విఫలమైతే.. అవకాశాన్ని ప్రత్యర్థులకు అప్పగించినట్టే. రాజకీయం ఇప్పుడు మాటలది కాదు. సమీకరణలది. కర్నూలులో ఆ ఆట మొదలైంది.
