హైద‌రాబాద్‌, ఆంధ్ర‌ప్ర‌భ : బీసీసీఐ (భారత్ క్రికెట్ నియంత్రణ మండలి) కొత్త అధ్యక్షుడి(The new president)తో సహా కార్యవర్గ సభ్యుల ఎన్నికలు సెప్టెంబర్ చివరి వారంలో జరగనున్నాయి. ఈ ఎన్నికలు ముంబైలో జరగనున్నబీసీసీఐ 94వ వార్షిక సర్వసభ్య సమావేశం (AGM)లో ముఖ్య అజెండాగా ఉన్నాయి.
గత అధ్యక్షుడు రోజర్ బిన్నీ(Roger Binney)70 ఏళ్లు నిండడంతో పదవి నుంచి వైదొలగారు. దీంతో ప్రస్తుతం ఉపాధ్యక్షుడు రాజీవ్ శుక్లా తాత్కాలిక అధ్యక్షుడిగా బాధ్యతలు నిర్వహిస్తున్నారు. ఈ ఎన్నికల్లో అధ్యక్ష ప‌దవితో పాటు ఉపాధ్యక్షుడు, కార్యదర్శి, సంయుక్త కార్యదర్శి, కోశాధికారి పదవులకు కొత్త ప్రతినిధులను ఎన్నుకోనున్నారు.
కొత్త అధ్యక్షుడి ఎంపికపై తీవ్ర ఉత్కంఠ నెలకొంది. ప్రస్తుత తాత్కాలిక(interim.) అధ్యక్షుడు రాజీవ్ శుక్లా ఈ పదవికి బలమైన అభ్యర్థిగా భావిస్తున్నారు. అదేవిధంగా, బీసీసీఐ కార్యదర్శి పదవికి ప్రస్తుత కార్యదర్శి దేవాజిత్ సైకియా, ఐపీఎల్ ఛైర్మన్ అరుణ్ ధూమల్, మాజీ కోశాధికారి అనిరుధ్ చౌదరి పోటీ పడే అవకాశం ఉందని సమాచారం. ఈ ఎన్నికలు బీసీసీఐ(BCCI) పరిపాలనలో కొత్త మార్పులకు దారితీస్తాయని క్రికెట్ వర్గాలు భావిస్తున్నాయి.
ఎన్నికలతో పాటు వార్షిక సమావేశంలో పలు ముఖ్యాంశాల(Highlights)ను కూడా చర్చించనున్నారు. ముఖ్యంగా ఆర్థిక నివేదిక, ఆడిట్ నివేదికలకు ఆమోదం తెలిపే అవకాశం ఉంది. అదనంగా, వివిధ కమిటీల నియామకాలు కూడా అజెండా(Agenda)లో ఉండనున్నాయి. ఈ ఎన్నికల ఫలితాలు రాబోయే మూడు సంవత్సరాలపాటు భారత క్రికెట్ పరిపాలనకు దిశానిర్దేశం చేయనున్నాయి.
